Saran qalasyndaǵy mektepke biometriia týrniketi ornatyldy degen aqparat jalǵan, dep habarlaidy "Ult aqparat" stopfake.kz-ke silteme jasap.
Áleýmettik jelide Qaraǵandy oblysynyń Saran qalasynda mekteptiń birinde engizilgen jańashyldyq týraly aqparat tarady. Onda bet-álpetti taný fýnktsiiasy bar týrniket ornatylǵan, sondai-aq ata-analar ony paidalanǵany úshin aqy tóleýge májbúr. Qaraǵandy oblysynyń Bilim basqarmasy bul aqparatty joqqa shyǵardy.
«Bul - feik. Týrniket adamnyń bet-álpetin tanymaidy, olar dene temperatýrasyn ólsheýge arnalǵan. Ata-analar ol úshin aqsha tólemeidi», – dep habarlady vedomstvodan.
Buǵan deiin mundai týrniketter óńirdiń basqa mektepterinde de ornatylǵan. Qaraǵandy qalasynyń №104 mektep-litseiinde ornatylǵan alǵashqy týrniket týraly aqparat Qaraǵandy oblysy ákimdiginiń resmi saitynda jariialandy. Qurylǵy bir ýaqytta 30 adamnyń dene temperatýrasyn anyqtai alady. Eger bireýiniń temperatýrasy 37 gradýstan joǵary bolsa, kirýge jol berilmeidi.
Demek, qurylǵylar adamnyń betin tani almaidy. «Ata-analardy jańa týrniketterdi paidalanǵany úshin tóleýge mindetteitini» týraly aqparat ta feik.
