Foto: Orda.kz
Saran qalasynyń ákimi Erkin Baýlykov pen Qaraǵandy oblystyq energetika jáne turǵyn úi-kommýnaldyq sharýashylyq basqarmasynyń basshysy Tlektes Dosaev jylytý maýsymyna daiyndyqty jetkilikti baqylamaǵany úshin qatań sógis aldy. Qaraǵandy oblysy ákiminiń birinshi orynbasary Azamat Taijanovqa eskertý berildi, dep habarlaidy Ult.kz.
Qaraǵandy oblysynyń ákimi Ermaǵanbet Bólekpaev jiynda qysqy ýaqytta turaqty jylýmen qamtamasyz etýdiń mańyzdylyǵyn atap ótip, jumys únemi baqylaýda bolý kerektigin jáne árbir aqaý boiynsha qatań sharalar qoldanylatynyn eskertti.
Erkin Baýlykov Sarandaǵy qazandyqtardyń shtattyq rejimde jumys istep jatqanyn, otyn qory bar ekenin jáne qala turǵyndarynan kelip túsken suraqtardyń shuǵyl sheshiletinin málimdedi.
Buǵan deiin Premer-ministr Oljas Bektenov Saran qalasyndaǵy jaǵdaiǵa qatysty úkimet otyrysynda qatty syn aitqanyn jazǵanbyz.
