"Bóbek" qorynyń prezidenti Sara Nazarbaeva Almatyda ótken forýmda sóz sóilep, rýhani tárbieniń mańyzy jóninde áńgimeledi, dep habarlaidy Almaty telearnasy.
Biyl Almatyda ornalasqan "Bóbek" ulttyq ǵylymi-praktikalyq bilim berý ortalyǵynyń ashylǵanyna 20 jyl toldy. Tabysty eńbek etip kele jatqan bilim berý ordasyn mereitoimen quttyqtaýǵa "Bóbek" qorynyń prezidenti Sara Nazarbaeva arnaiy keldi.
Sondai-aq mereitoi aiasynda, 5-shi respýblikalyq keńes kezinde rýhani-adamgershilik damý máseleleriniń qoǵamdyq forýmy ótti. Shara barysynda óskeleń urpaqqa rýhani-adamgershilik tárbie berý máseleleri talqylandy. Oǵan elimizdiń joǵarǵy oqý oryndarynyń rektorlary, oqytýshylar men bilim berý basqarmalarynyń basshylary jáne ustazdar qaýymy qatysty. Forýmda Sara Nazarbaeva "Ózin-ózi taný" pánin joǵarǵy oqý oryndaryna da engizgisi keletinin aitty.
"Qazaqstanda "Ózin-ózi taný" baǵdarlamasynyń sátti júzege asyp kele jatqanyna 20 jylǵa jýyqtady. Adamnyń qolynan kelmeitin dúnie joq. Jalpy bul baǵdarlama arqyly jastardyń adamgershiligi mol, rýhani turǵyda taza bolýy úshin jasaldy. Osy arqyly adamnyń boiyndaǵy eń jaqsy, jarqyn jáne taza qasietti molaitýdy kózdeimiz. Qadamymyz sátti júzege asyp jatyr. Ortalyq sonyń aiqyn kórinisi", — dedi "Bóbek" qaiyrymdylyq qorynyń prezidenti Sara Nazarbaeva.
