Sport jáne dene shynyqtyrý isteri komitetiniń tóraǵasy, bokstan 2012 jylǵy Olimpiada chempiony Serik Sápiev Sports True arnasyna bergen suhbatynda Tokio Olimpiadasynda ózi kútpegen jait týraly aitty, - dep habarlaidy Tengrinews.kz.
"Men úshin kútpegen jait - Vasilii Levittiń jeńilýi. Tehnikalyq nokaýtpen jeńildi, ony kútpedim. Men Bekzad Nurdáýletov pen Abylaihan Júsipovtiń qarsylastarynan qoryqtym. Serik Temirjanov jaqsy nátije kórsetedi dep úmittendik. Biraq tórt boksshy jeńilip qaldy. Týrnir áli bitken joq. Qalǵan salmaqtar boiynsha jaqsy nátije kórsetýge múmkindigimiz bar. Jarys jolynda qalǵan jigitterge úmit artamyz", - dedi Sápiev.
Odan bólek, Serik Sápiev Abylaihan Júsipovtiń jeńilgenine qynjylǵanyn aitady.
"Sebebi ekeýimiz bir boks mektebinen, bir qaladan shyqqanbyz. Ol meniń jattyqtyrýshymmen daiyndalatyn. Mashyqtanyp, maǵan qarap ósti. Sondyqtan, árine, Abylaihannyń jeńilgenine qynjyldym", - dedi ol.
