سپورت جەنە دەنە شىنىقتىرۋ ٸستەرٸ كوميتەتٸنٸڭ تٶراعاسى, بوكستان 2012 جىلعى وليمپيادا چەمپيونى سەرٸك سەپيەۆ Sports True ارناسىنا بەرگەن سۇحباتىندا توكيو وليمپياداسىندا ٶزٸ كٷتپەگەن جايت تۋرالى ايتتى, - دەپ حابارلايدى Tengrinews.kz.
"مەن ٷشٸن كٷتپەگەن جايت - ۆاسيليي لەۆيتتٸڭ جەڭٸلۋٸ. تەحنيكالىق نوكاۋتپەن جەڭٸلدٸ, ونى كٷتپەدٸم. مەن بەكزاد نۇردەۋلەتوۆ پەن ابىلايحان جٷسٸپوۆتٸڭ قارسىلاستارىنان قورىقتىم. سەرٸك تەمٸرجانوۆ جاقسى نەتيجە كٶرسەتەدٸ دەپ ٷمٸتتەندٸك. بٸراق تٶرت بوكسشى جەڭٸلٸپ قالدى. تۋرنير ەلٸ بٸتكەن جوق. قالعان سالماقتار بويىنشا جاقسى نەتيجە كٶرسەتۋگە مٷمكٸندٸگٸمٸز بار. جارىس جولىندا قالعان جٸگٸتتەرگە ٷمٸت ارتامىز", - دەدٸ سەپيەۆ.
ودان بٶلەك, سەرٸك سەپيەۆ ابىلايحان جٷسٸپوۆتٸڭ جەڭٸلگەنٸنە قىنجىلعانىن ايتادى.
"سەبەبٸ ەكەۋٸمٸز بٸر بوكس مەكتەبٸنەن, بٸر قالادان شىققانبىز. ول مەنٸڭ جاتتىقتىرۋشىممەن دايىندالاتىن. ماشىقتانىپ, ماعان قاراپ ٶستٸ. سوندىقتان, ەرينە, ابىلايحاننىڭ جەڭٸلگەنٸنە قىنجىلدىم", - دەدٸ ول.
