Olimpiada chempiony Serik Sápiev Qazaqstan Respýblikasy Parlament Májilisiniń depýtaty bolǵanyna qatysty óz pikirin bildirdi, - dep habarlaidy "Ult aqparat" kaz.tengrinews.kz portalyna silteme jasap.
Sápievtiń aitýynsha, bul sheshim týraly ol uzaq oilanǵan, al bir toqtamǵa kelgennen keiin "Nur Otan" partiiasyna hat jazǵan.
"Meniń kandidatýramdy qoldaǵan úshin partiiaǵa alǵysymdy bildiremin. Ortalyq sailaý komissiiasynyń músheleri de qoldap daýys berdi. Olarǵa da alǵysymdy aitqym keledi. Bir árdaiym elge qyzmet ettik. Sportshy bolǵan kezde de, depýtat bolyp ta qyzmet etemiz. Halyq úshin, elimizdiń damýyna úles qosý úshin eńbek etemiz. Birshama josparlarym da bar. Biraq olar jumys barysyna bailanysty bolady", - dep oiyn aitty sportshy.
Ataqty boksshy aldymen jumys retine úirenip alý kerektigin aitady. Osydan keiin oidaǵy josparlaryn iske asyrmaq.
"Aldymen jumys retine úirenisip alaiyn, sosyn máselelerge kóshemin. Negizinen bári túsinikti, bári anyq - halyqqa qyzmet etý, toqsan saiynǵy saparlar. Bári bylai túsinikti. Biz sportshylar árdaiym tártip pen eńbekke úirengenbiz, bul qasietter jańa jumys ornynda maǵan qajet bolady dep oilaimyn", - deidi Sápiev.
Búgin, 28 aqpanada Ortalyq sailaý komissiiasynyń otyrysy kezinde "Nur Otan" partiiasynyń múshesi Sápiev Serik Jumanǵaliulyn Qazaqstan Respýblikasy Parlament Májilisiniń depýtaty retinde tirkeý sheshimi qabyldandy. OSK tóraǵasy Serik Sápievke QR Parlament Májilisi depýtatynyń kýáligi men tós belgisin tabys etken bolatyn
