Túrkistan oblysy, Túlkibas aýdanynda tabiǵi shyryn shyǵaratyn 5 kásiporyn ashylady. Biylǵy jyldyń ózinde jalpy quny 897 million teńgeni quraityn 3 kásiporyn iske qosyldy, dep habarlaidy "Ult aqparat".
Taǵamdyq qundylyǵy joǵary jemis shyryn - adam densaýlyǵyna paidaly. Bul tabiǵi taza ónimder naryqta joǵary suranysqa ie. Biyldan bastap iske qosylǵan 3 kásiporyn mineraldy jáne tabiǵi shyryndar shyǵarady. Munda 87 azamat jumyspen qamtyldy.
- Bizdiń negizgi tutynýshymyz - Almatydaǵy Smol jáne Magným. Osyndai saýda ortalyqtarymen jumys isteimiz. Bizdiń shyrynnnyń sapasy joǵary. Óitkeni biz eń taza ónimdi óndiremiz. Túlkibas aýdanynyń shikizatynyń ózi óte joǵary sapada. Biyl biz qiiardyń 60 paiyzyn osy Túlkibastan aldyq, - deidi «Jazǵy án» JShS direktorynyń orynbasary Erbol Balqybekov.
Túlkibas kentindegi «Jazǵy án» jaýapkershiligi shekteýli seriktestigi jemis-jidek jáne kókónis ónimderin óńdeidi. Jumys istei bastaǵanyna 2 jyl bolǵan kásiporyn 8 túrli jemis shyrynyn shyǵarady. Qýaty bir aýysymda 10 myń quty jemis shyrynyn shyǵarýǵa jetedi. Kereit aýylyndaǵy «Arsen AS» kásiporny da tabysty jumys isteýde. Olar zamanaýi qurylǵylar arqyly 250 tonna qunarlandyrylǵan shyryn sýsyndaryn shyǵardy.
Tehnolog Gúlnar Telibaeva saǵatyna 5 myń tonna ónim óndiretin tehnologiiasynyń bar ekendigin aityp otyr.
- Osy kúnge deiin 2 myń tonnadan astam alma qabyldadyq. 250 tonna qunarlandyrylǵan alma shyrynyn óńdep shyǵardyq. Qunarlandyrylǵan shyryndy óńdep 220 kilogramdyq bóshkelerge quiamyz. Tsehta 7 túrli sýsyn daiyndaimyz. Solardyń ishinde alma shyryny ózimizdiń otandyq ónim, - deidi ol.
Aýdandaǵy indýstrialdy aimaqta aldaǵy ýaqytta taǵy 5 kásiporyndy iske qosý josparlanyp otyr. Tabiǵi taza otandyq ónimdi tutyný úshin alma, almurt, júzim egý qaita qolǵa alynbaq. Odan jinalǵan ónimderden tabiǵi sýsyn shyǵarýdy túlkibastyq kásipkerler qyzyǵýshylyq tanytyp otyr.
