QR Aýyl sharýashylyǵy ministri Saparhan Omarov Túrkiianyń iriagroónerkásiptik kásiporyn basshylarymen kezdesý ótkizdi, dep habarlaidy "Ult aqparat".
Is-sharaǵa Túrkiia Respýblikasynyń Saýda-ónerkásip palatalary men taýar birjalary odaǵynyń quramyna kiretin kompaniialardyń basshylary qatysty.
Kezdesý barysynda qazaqstandyq tarap otandyq AÓK damýynyń basym baǵyttaryn tanystyrdy. Atalmysh salaǵa memlekettik jaǵynan jasalyp jatqan qoldaý sharalary týraly keńinen aityp, elimizdiń agroónerkásip salasynyń investitsiialyq tartymdy tustaryn tilge tiek etti.
Aýyl sharýashylyǵy ónimderin ótkizýdiń negizgi álemdik naryqtaryna tikelei qol jetkizýdi qamtamasyz etetin Qazaqstannyń tiimdi geografiialyq ornalasýy atap ótildi.
Kezdesý sońynda ministr túrik kásipkerlerin yntymaqtastyqqa jáne aýyl sharýashylyǵy men óńdeý salasyndaǵy birlesken jobalardy iske asyrýǵa shaqyrdy.
Sondai-aq, Saparhan Omarov Túrkiia Respýblikasynyń Aýyl jáne orman sharýashylyǵy ministri Bekir Pakdemirlimen kelissózder júrgizip, ekijaqty yntymaqtastyq jáne AÓK-degi Qazaqstan-Túrkiia investitsiialyq jobalaryn iske asyrý máseleleri talqylandy.
QR AShM basshysy túrik investorlarynyń qatysýymen iske asyrylǵan AÓK-gi birqatar tabysty jobalar, sondai-aq quny $500 mln quraityn 13 jańa investitsiialyq joba jaily málim etti.
«Túrkiia bizdiń burynnan kele jatqan strategiialyq seriktesimiz. Biz aýyl sharýashylyǵy salasyndaǵy ekijaqty yntymaqtastyqty keńeitýge jáne ózara tiimdi sharttarmen taýar ainalymynyń kólemin arttyrýǵa úlken mán beremiz. Eki el arasyndaǵy saýdany odan ári arttyrý óte joǵary áleýetke ie», - dep atap ótti S.Omarov.
Kelissózder barysynda Saparhan Omarov «KazBeef» JShS jáne «Aqtóbe et klasteri» JShS kompaniialaryn aýyl sharýashylyǵy ónimderin senimdi eksporttaýshylar tizimine qosý máselesin qozǵap, Túrkiia aitarlyqtai tabystarǵa qol jetkizgen saýda-logistikalyq infraqurylymdy qurý, aýyl sharýashylyǵy shikizatyn qaita óńdeý, sapaly jáne qoljetimdi azyq-túlik ónimderin óndirý salasynda Qazaqstan yntymaqtastyqty damytýǵa múddeli ekenin bildirdi.
«Qazaqstan Túrkiianyń toqyma ónerkásibin, bylǵary men júndi óńdeýdi damytýdaǵy tájiribesin joǵary baǵalaidy. Qazaqstandyq tarap birlesken jobalardy iske asyrýǵa múddeli, óitkeni elimizde shikizattyń jetkilikti kólemi bar. Sondai-aq, agrarlyq ǵylym salasynda birlesken zertteýler júrgizý úshin Túrik ǵylymi-zertteý uiymdarymen tyǵyzyntymaqtastyq ornatqymyz keledi», - dedi Saparhan Omarov.
