«Kazakh Invest» Ulttyq kompaniiasy» aktsionerlik qoǵamynyń direktorlar keńesiniń sheshimimen Saparbek Tuiaqbaev «Kazakh Invest» UK» AQ basqarma tóraǵasy qyzmetine taǵaiyndaldy, dep habarlaidy "Ult aqparat" primeminister.kz saityna silteme jasap.
Saparbek Tuiaqbaev 1979 jyly Ońtústik Qazaqstan oblysynda týǵan. 2001 jyly Taiaý Shyǵys tehnikalyq ýniversitetin (Túrkiia), 2004 jyly Toronto ýniversitetin (Kanada) támamdaǵan. Eńbek jolyn 2005 jyly bastaǵan. 2005-2009 jyldary Memlekettik qyzmet isteri agenttiginde, Qazaqstan Respýblikasynyń Resei Federatsiiasyndaǵy Elshiliginde, Indýstriia jáne saýda ministrliginde, QR Premer-Ministri Keńsesinde, QR Prezidenti Ákimshiliginde qyzmet etken.
2012-2017 jyldary Ońtústik Qazaqstan oblysy ákiminiń orynbasary bolyp istegen. Investitsiialar, ónerkásip jáne kásipkerlik máselelerine jetekshilik etken.
2016 jylǵy qazan aiynan bastap qazirgi ýaqytqa deiin QR Investitsiialar jáne damý ministrligi Investitsiialar komiteti tóraǵasynyń qyzmetin atqarǵan.
Qazaq, orys, aǵylshyn, túrik jáne frantsýz tilderin meńgergen.
Aita keteiik, buǵan deiin «Kazakh Invest» Ulttyq kompaniiasy» AQ basqarma tóraǵasy qyzmetin Maqsat Qabashev atqarǵan bolatyn.
