Vitse-premer Berdibek Saparbaev bastaǵan Úkimettiń jumys toby Jańaózen qalasyndaǵy birqatar áleýmettik mańyzy bar nysandardy aralady, dep habarlaidy "Ult aqparat".
Aldymen jumys toby qaladaǵy óndiristik alańnyń jumysymen tanysty. 30 gektar aýmaqty alatyn tehnoparktiń negizgi mindeti ónim óndirý salasyndaǵy jumys jasaityn kásipkerlerdi bir jerge ornalastyrý.
Osy ýaqytqa deiin alańǵa ishki jáne syrtqy injenerlik jeliler tartylyp, ákimshilik ǵimaraty men angar salynyp, bólingen qarajat tolyǵymen igerilgen. Qazirgi tańda, Jańaózen qalasy ákimdigi jáne «Atameken kásipkerler palatasy» arasynda jumys toby qurylyp, «Biznestiń jol kartasy - 2020» biznesti qoldaý jáne damytýdyń biryńǵai baǵdarlamasy aiasynda óndiristik alańnan kásipkerlerge jer ýchaskelerin Óńirlik úilestirý komissiiasy arqyly bólý jumystary talqylanýda.
Búgingi kúnge deiin óndiristik alańǵa ornalasý boiynsha 37 kásipkerden usynys túsken. Onyń ishinde jihaz óndiretin tseh, tigin sheberhanasy, qaǵaz, polietilen paketin óndirý jáne t.b. bar. Munan soń jumys toby qaladaǵy meditsinalyq ortalyqtyń qurylysymen tanysty.
Osyǵan deiin «Qazmunaigaz Injiniring» JShS qarasty «QazNIPImýnaigaz», «Ózenmunaigaz» AQ, Mańǵystaý oblystyq densaýlyq saqtaý basqarmasy ókilderiniń qatysýymen arnaiy komissiia otyrysy ótip, onda meditsinalyq ortalyq qurylysyn jandandyrý maqsatynda atqarylatyn sharalar legi talqylanǵan bolatyn.
Ortalyq qurylysyn kezeń-kezeńimen júrgizý sharalaryna naqty merzim bekitilip, meditsinalyq ortalyq qurylysyn 2020 jyly paidalanýǵa berý týraly tapsyrma berildi.
Sonymen qatar, kásipkerlerge qyzmet kórsetý ortalyǵyna da bardy. Onda «Atameken» Ulttyq kásipkerler palatasynyń Jańaózen qalasyndaǵy filialynyń, ondaǵy ózine-ózi qyzmet kórsetý aimaǵynyń, qyzmetkerleriniń jumys barysymen tanysty.
Osyǵan deiin Jańaózen qalasyna QR «Atameken» Ulttyq kásipkerler palatasynyń Basqarma Tóraǵasy Abylai Myrzahmetovpen birge jumys toby kelgen bolatyn. Jumys toby 2 apta boiy Jańaózen qalasyndaǵy kásipker mamandarmen kezdesti. Arnaiy Nur-Sultan qalasynan kelgen mamandar jeke jáne zańdy tulǵalardy aqparattandyryp, qalalyq kásipkerlik jáne aýyl sharýashylyq bóliminiń mamandarymen birlese otyryp kásipkerlik salasyndaǵy máselelerdi, onyń sheshý joldaryn qarastyryp, kásipkerlerge qyzmet kórsetti.
Qazirgi tańda Jańaózen qalasynda 7 qazanda bastalǵan «Kásip túbi-násip» jobasy nátijeli júzege asyrylýda. Búgingi kúnge deiin jobanyń jumys toby 500-ge jýyq adamǵa keńes berdi. Onyń 15% qarjy qyzmetteri boiynsha, 10%- marketingtik, 10% quqyqtyq keńes berý t.b. quraidy.
Jańaózen qalasynda jumyssyzdyqty boldyrmaý maqsatynda kásiporyndarmen birlesip 5 oqý kýrsy ashyldy. Olarda naryqqa qajetti tigin, avtoelektrik, robototehnik, gazelektr dánekerleýshi, kran júrgizýshisi mamandary oqytylatyn bolady. Joba aiasynda «Bastaý biznes» boiynsha 140 adam oqytyldy. «Basta» alańynda tabysty kásipkerler 300-dei adamǵa kásip syryn úiretti. Mikro qarjy uiymynyń keńesshileri 70 adamǵa keńes berip, naqty 4 adamnyń kásip ashýyna nesiege qujat jinaqtady.
Memlekettik satyp alýlar boiynsha 50 kásipkerge arnalǵan trening uiymdastyryldy. Úkimet músheleri arnaiy barǵan taǵy bir nysan Jańaózen qalasyna qarasty Rahat aýylynda «Jaqsy» sport kesheni. Aýmaǵy 2000 sharshy metrdi quraityn keshen aýyl balalarynyń sportpen shuǵyldanýy múmkindik berilip, ár túrli sport sektsiialary esigin aiqara ashty. Sport kesheninde qazirgi tańda boks, erkin kúres, karate-do, dziýdo, shaǵyn fýtbol jáne aýyr atletika siiaqty basqa da túrleri qamtylǵan. Jastardy jattyqtyrýǵa 25 bapker jumysqa qabyldanǵan.
