Aqtóbe oblysynyń ákimdigi ótken jyly Bas prokýratýra bastap bergen «Halyq qaýipsizdigin qamtamasyz etý» jobasyn jalǵastyrady.
Teologtar jat aǵym jeteginde júrgenderge dástúrli dindi túsindiretin bolady, dep habarlaidy QazAqparat tilshisi.
Aqtóbe oblysynyń Muǵaljar, Temir, Alǵa, Baiǵanin, Shalqar aýdandarynda jat aǵym jeteginde júrgender, adasqandar qatary ózge aýdandarǵa qaraǵanda kóp. 3 sáýir kúni «Halyq qaýipsizdigin qamtamasyz etý» jobasy aiasynda osy aýdan turǵyndarymen kezdesý jumystary bastalady. Kezdesýdi bilikti mamandar, teologtar júrgizedi. Oblys ákimi Berdibek Saparbaev mamandardan qarapaiym tilmen sóilep, termin sózderdi qoldanbaýdy tapsyrma berdi.
«Kezdesý kezinde, túsindirme jumystaryn júrgizgende qarapaiym halyqtyń tilinde sóileýlerińizdi suraimyn. Saǵat boiy arnaiy termin sózderge toly lektsiialar oqýdyń qajeti joq. Sol úshin ər kezdesýge aldyn-ala daiyndalý kerek. Eń bastysy - munyń bári halyqqa paidasyn tigizip, jobaǵa qatysqan ər turǵyn oń tiimdiligin sezinýi tiis. Nátijege qol jetkizýdi maqsat etińiz», - dedi oblys ákimi Berdibek Saparbaev.
Jumys toby sondai-aq əleýmettik máselelerdi sheshý, dini ekstremizmniń aldyn-alý, memlekettik jáne salalyq baǵdarlamalardyń júzege asyrylýyn túsindiredi. Óńirindegi biznes ortany damytýǵa kúsh salady.
Eske salsaq, 5 maýsymdaǵy lańkestik oqiǵadan soń Elbasy tapsyrmasymen Bas prokýratýra «Halyq qaýipsizdigin qamtamasyz etý» jobasymen Aqtóbege keldi. Olar bir ai boiy aýdan, aýyldy aralap, túrmede jazasyn ótep otyrǵandarmen de kezdesý ótkizdi.
