Aqtóbe oblysynyń ákimi Berdibek Saparbaev Ońtústik Koreiaǵa jumys sapary barysynda Ońtústik Koreianyń KNOC munai-gaz korporatsiiasynyń vitse-prezidenti Shim Djoehýnmen kezdesti.
Qazaqstan Respýblikasynyń Koreia Respýblikasyndaǵy Elshisi Baqyt Dúisenbaevtyń qatysýymen ótken kezdesýdiń basty taqyryby KNOK qatysýymen qurylǵan «Alties Petroleým Interneshnl B.V» AFK jáne «Ada Oil» JShS-niń aqtóbelik kompaniialardyń kelisim-sharttyq mindettemelerin oryndaý boldy.
«Alties» jáne «Ada Oil» bizdiń oblys aimaǵynda shamamen 12 jyl jumys isteidi. Jyl saiyn 400 myń tonna munai óndiredi. Jalpy, olar jaqsy jumys isteidi, biraq investitsiialar kólemi, jergilikti kadrlardy daiarlaý, taýarlardy satyp alýdaǵy jergilikti qamtý jáne áleýmettik jaýapkershilik boiynsha sharttyq mindettemelerdi oryndaý týraly suraqtar bar, - dep atap ótti oblys ákimi.
Ol sondai-aq qarapaiym jumysshylar men basshylar arasyndaǵy jalaqy aiyrmasyn azaitý máselesin kóterdi.
"Eń az jalaqy alatyndardyń jalaqysyn kóterý kerek. Elbasynyń tiisti buiryǵy bar. Biz barlyq kásipkerlermen jalaqyny kóterý týraly kelissózder júrgizip jatyrmyz. Men KNOK basshylarynan osy usynysty qoldaýǵa jáne Aqtóbe oblysynyń aýmaǵynda jumys isteitin kásiporyndar basshylaryna nusqaý berýlerin suraimyn", - dedi Berdibek Saparbaev kompaniia ókiline.
Sonymen qatyr oblys basshysy kásiporyndardy munai men gaz óndirý kólemin azaitpaýdyń mańyzdylyǵyn atap ótti.
KNOK vitse-prezidenti Shim Djoehýn Berdibek Saparbaevty jergilikti bilikpen aradaǵy dialog pen praktikalyq ózara is-qimyldy yntalandyrýǵa múddeli ekendigine sendirdi.
"Biz barlyq sharttyq mindettemelerdi oryndaýǵa tyrysamyz", - dedi vitse-prezident.
Atap óteiik, 2017 jyldyń mamyr aiynda Aqtóbe oblysynyń ákimi «KNOC» kompaniiasynyń prezidenti Kim Djýng Remen «Alties Petroleým Interneshnl B.B» AFK jáne «Ada Oil» JShS jaǵdaiyn talqylaǵan bolatyn. Kelissózderdiń nátijesinde osy kompaniialar Aqtóbe oblysynyń aimaǵynda tirkelip, tikelei óndiristik qyzmetti júrgize bastaǵan. Buryn kásiporyndar Almaty oblysynda tirkelgen bolatyn.
