Aqtóbe oblysynyń ákimi Berdibek Saparbaev moraldyq ótemaqyny balalar úiine aýdarady, - dep habarlaidy "Ult aqparat" kaz.tengrinews.kz portalyna silteme jasap.
Aita keteiik, osyǵan deiin Aqtóbe oblysynyń ákimi jalǵan jala japty dep áleýmettik jeli qoldanýshysy Aidyn Egeýbaevqa qatysty sotqa aryz bergen bolatyn. 20 qazanda Almaty aýdandyq sot Berdibek Saparbaevtyń ótinishin qanaǵattandyrdy.
Sot 2016 jyldyń 10 shildesinde Egeýbaevtyń Youtube.com saitynda "2016 jyly qytai azamattarynyń Shyǵys Qazaqstan oblysyndaǵy Úrjar aýdanynda aýmaǵy 87 437 gektar jerdi alǵany" týraly málimetpen tanysty. Sondai-aq, ol jariialanymda jerler Berdibek Saparbaevtyń tapsyrmasyn berildi delingen. Ol kezde Saparbaev ShQO ákimi bolǵan. Osylaisha sot Berdibek Saparbaevtyń paidasyna Aidyn Egeaýbaevtan moraldyq shyǵyndy óndirip alý týraly sheshim qabyldady.
"Sottyn sheshimimen Berdibek Saparbaev moraldyq ótemaqy retinde 100 myń teńge alyp, ol qarajat balalar úiine aýdarylady", - dep habarlady Aqtóbe oblysy ákiminiń baspasóz qyzmetindegiler.
