Aqtóbe oblysynyń ákimi Berdibek Saparbaev aýyldaǵy ákimderdiń ózdiginen ámir júrgizetindigin synǵa aldy, - dep habarlaidy Aktobenews.kz.
Oblystyń byltyrǵy áleýmettik-ekonomikalyq kórsetkishterin taldaǵanda óńir basshysy Berdibek Saparbaev "uiyqtap júretin ákimderdi" synǵa aldy. Onyń sózinshe, aýyl ákimderi men mektep direktorlary ózdiginen "han" bolyp alǵan.
"Ómir boiy ákim bolamyn dep oilaidy. Árdaiym aitamyn, bul ákesiniń satyp alǵan qyzmeti emes. Al bizde kóptegen aýyl ákimderi men mektep direktorlary han bolyp alǵan. Aýyldy óziniń jeke menshigi, mektepti óziniń menshigi dep otyra beredi. Qazir uiyqtap otyratyn zaman emes! Ol dáýir baiaǵyda ótip ketti", - dedi Saparbaev jinalǵan sheneýnikterge.
Sodan keiin "Qulan" men "Altyn asyq" baǵdarlamalaryn oryndaýda tómen kórsetkishke ie bolǵan aýyldyq okrýg ákimderi sógis estidi.
"Qolyńyzdan kelmei me? Birden aityńyz. Qolyńyzdan kelmese, onda "basqa jumysqa baraiyn" dep mal baǵyńyz", - dedi Berdibek Saparbaev Baitýrasai aýyldyq okrýginiń ákimine.
