Aqtóbe oblysynyń ákimi Berdibek Saparbaev juma kúni Memleket basshysynyń Jastar jyly aiasyndaǵy tapsyrmalarynyń oryndalý máselelerin talqylaý úshin oblystaǵy jastar qozǵalysynyń belsendilerimen kezdesti. Kezdesýge sondai-aq, «Qazaqstannyń Eńbek Eri», qoǵam qairatkeri Quralai Baimenova, QR Mádeniet qairatkeri Erkin Qurmanbek, Aýǵan soǵysynyń ardageri, qoǵam qairatkeri Marat Qoilybaev jáne basqa da tanymal aqtóbelikter shaqyryldy.
«Álemniń eń damyǵan 30 memleketine jyldam kirýi úshin ozyq tehnologiialardy, innovatsiialardy jáne tsifrlandyrýdy engizý qajet. Bul mindetti búgin jastar tabysty atqara alady. Memleket basshysy Jastar jylyn sizderge múmkindiginshe jeke damý úshin, jetistikke jetý múmkindigin berý úshin jariialady. Biylǵy jyly Sizder mindetti túrde tiimdi paidalaný úshin kóptegen múmkindikter paida bolady. Ýaqytty bosqa jumsamańyzdar. Bul ýaqyt óte qysqa, jastyqty bosqa ótkizip alǵan adamdar ómiriniń qalǵan ýaqytynda ókinedi», - dedi Berdibek Saparbaev kezdesýdi ashý sátinde.
Belgili bolǵandai, búginde Jastar jylynyń Aqtóbe oblysy boiynsha is-sharalar jospary jasaldy, ol 2018 jylǵy qarashadaǵy «Jas barys» birinshi aimaqtyq forýmynda jariialanǵan óskeleń urpaq ókilderiniń usynystary men ideialarynyń negizinde boldy. Jospar boiynsha oblysta 300-den astam is-sharalar júzege asyrylady. Olardyń barlyǵy el Prezidentiniń qoiǵan turǵyn úi, jumyspen qamtý, kásiptik bilim alýǵa qol jetkizý, jastar kásipkerligin qoldaý, volonterlik qyzmetti jandandyrý, patriottyq uiymdardy nyǵaitý jáne taǵy basqalarmen jastardy qamtamasyz etý mindetterin sheshýge baǵyttalǵan.
«Jospar ázirlendi, biraq biz jumys isteitin jandy baǵdarlama bolý úshin oǵan jańa ideialar engizýimiz kerek. Sol sebepti búgin sizderdi, iaǵni oblystyń belsendi jastaryn, jas kásipkerlerdi, túrli salalardyń mamandaryn, stýdentterin jinadyq. Otanymyzdyń damýyna eleýli úles qosqan aǵa urpaqtyń ókilderi de sizdermen birge ómirlik tájiribelerimen bólisý úshin shaqyryldy. Elbasy tapsyrmalaryn oryndaý bizdiń ortaq maqsatymyz», - dep atap ótti Berdibek Saparbaev.
Jastar jylynyń is-sharalar josparyn júzege asyrý belsendi kezeńge endi. Máselen, jastardy turǵyn úimen qamtamasyz etý úshin biregei baǵdarlama iske qosyldy, oǵan sáikes oblystyń 29 jasqa deiingi turǵyndary aldyn ala jarnasy 350 myń teńge jáne ai saiynǵy tólemi 35 myń teńge bolatyn bir bólmeli páterdi satyp ala alady. Oblys ákiminiń aitýynsha, jyl ishinde jastarǵa túrli memlekettik baǵdarlamalar aiasynda kem degende 1 000 jeńildetilgen páterler salynady.
Oblys ákimi sondai-aq, jumyspen qamtý maqsatynda kem degende 10 myń jańa jumys orny ashylatynyn, 800 adam «Biznes Bastaý» jobasy boiynsha kásipkerlik negizderine oqytylatynyn, olardyń kópshiligi biznes-jobalaryn qorǵaǵan soń olardy júzege asyrýǵa qolaily nesieler men qaitarymsyz grant alýǵa jáne múmkindik alatyndaryn. jastardyń kásipkerlik bastamasyn qoldaý úshin startaptardy qarjylandyrýǵa 40 mln. teńge bólinip, «Eńbek» baǵdarlamasy boiynsha jeńildetilgen shaǵyn nesie beriledi jáne ártúrli kózderden grant qarajaty tartylady.
«Prezidenttiń taǵy bir tapsyrmasy - joǵary sapaly kásibi bilim berý. Bizdiń oblysta zamanaýi aqparattyq tehnologiialar, innovatsiialar, tsifrlyq baǵdarlamalar salasyndaǵy mamandardy daiyndaityn tirek ýniversitet bolyp Q.Jubanov atyndaǵy AÓMÝ anyqtaldy. Sondai-aq, Memleket basshysynyń tapsyrmasyna sáikes 10 kolledj halyqaralyq standarttarǵa tolyǵymen sáikes kelý úshin jańǵyrtylatyn bolady. Atalmysh oqý oryndarynda qazirgi zamanǵy álemde suranysqa ie kem degende 7 jańa mamandyq ashylady. Mektepterde byltyr balalar jyly bastalǵan «Baqytty bala» jobasy aiasyndaǵy bilim berýdi jetildirý, IT-klasstaryn ashý boiynsha aýqymdy jumysty jalǵasady. Jalpy alǵanda, «Baqytty bala» jobasy bizge Jastar jylynyń bastamalaryn sátti júzege asyrý úshin keremet alań qurýymyzǵa múmkindik berdi», - dedi oblys ákimi.
Aimaq basshysy kezdesý barysynda jetim jáne ata-anasynyń qamqorlyǵynsyz qalǵan balalarǵa, jumysshy jastarǵa, eriktiler qozǵalysyn damytýǵa jáne sporttyq infraqurylymǵa (sport alańdaryn, kóshedegi jattyǵý alańdaryna) erkin kirýge kóp kóńil bólinetinin málimdedi.
«Jetim balalar, jumysshy jastar turǵyn úimen, tegin kásiptik bilimmen múmkindiginshe qamtamasyz etilý kerek, sonymen qatar, jastardyń quqyqtaryn qorǵaý úshin barlyq salalarda jastar komitetteri qurylýy tiis. Elbasy volonterlik qozǵalysty damytý mindetin qoidy. Bizdiń óńirdiń eriktileri óte belsendi, Sizderdi maqtanyshpen aitýǵa bolady, jaraisyzdar. Biz Prezidenttiń tapsyrmasy boiynsha barlyq oqý oryndarynda stipendiialaryńyzdyń 30%-ǵa artýyn qadaǵalaimyz. Budan basqa, aimaqtaǵy eriktilerdiń korpýsy qurylady, biz ony qarjylandyrýǵa daiynbyz. Biz sapaly demalysty qamtamasyz etý úshin mádeni jáne sporttyq nysandardyń jelisin keńeitýdi jalǵastyramyz. Qazir bizde sizder úshin esigi árdaiym ashyq turatyn qyzyqty, biregei sport jáne mádeni nysandar bar. Sol jerlerge baryńyzdar, ózińizdiń múmkindigińizdi iske asyryńyzdar. Eń bastysy - ýaqytty bosqa ketirmeńizder», - dedi Berdibek Saparbaev jastarǵa.
Atap óteiik, Aqtóbe oblysynyń jalpy halqynyń tórtten bir bóligi nemese 208 myńnan astam adam - 14-29 jas aralyǵyndaǵy jastar. Oblys ákimi olardyń birde-biri Jastar jylynyń artyqshylyǵymen qamtylmai qalmaitynyn atap ótti.
«Búgingi kezdesýge aimaqtyń eń belsendi jastary - eriktiler, jastar isi jónindegi komitetterdiń tóraǵalary, jas kásipkerler men ártúrli saladaǵy mamandar, jumysshy jastar qatysýda. Sizder jastarmen tikelei jumys jasaisyzdar, memlekettik jastar saiasatynyń jolbasshysy bolyp tabylasyzdar, sondyqtan sizderdiń belsendi qoǵamdyq qyzmetterińiz Prezidentimizdiń órshil mindetterin júzege asyrý úshin óte mańyzdy», - dedi kezdesýdi túiindegen oblys ákimi.
