Aqtóbe oblysynyń ákimi Berdibek Saparbaev Uly Otan soǵysynyń ardagerlerine tólenetin materialdyq kómektiń birkelki bolmaýyna narazy boldy, - dep habarlaidy Tengrinews.kz jergilikti "Moi gorod" basylymyna silteme jasap.
Aqtóbe ákimdigi Jeńis kúninde 55 soǵys ardageri men múgedekterine 300 myń teńge tólenetinin aitty: birýaqytta tólenetin qarajat - 120 myń teńge jáne densaýlyǵyn durystaýǵa - 180 myń teńge. Alǵa, Mártók, Muǵaljar jáne Hromtaý aýdanynda turatyn 8 ardager men múmkindigi shekteýli janǵa 100 myńnan 200 myń teńgege deiin kómek kórsetiledi. Ákim osy sheshimdi synǵa aldy.
"Sizder qandai printsipke súiene otyryp, bir ardagerge 300 myń, al ekinshisine 100 myń teńge berý sheshimin qabyldadyńyzdar? Barlyǵy 300 myńnan alýy tiis. Sonymen qatar, barlyq ardagerge kóbirek nazar aýdarylyp, azyq-túlik salynǵan sebetter men syilyqtar berilýi tiis", - dedi Berdibek Saparbaev qolastyndaǵylarǵa.
Aqtóbe oblysynda 63 Uly Otan soǵysy ardageri men múmkindigi shekteýli jan ómir súrip jatyr. Al tyl eńbegerler sany - 6258.
2018 jyly Astanada Uly Otan soǵysy ardageri men múmkindigi shekteýli jandar 511 myń 135 teńge alady.
Almatyda, ákimdik baspasóz qyzmetiniń málimetinshe, Uly Otan soǵysynyń ardagerlerine Jeńis kúnine orai beriletin birmezettik áleýmettik kómek mólsheri 150 myńnan 250 myń teńgege ósetinin aitty.
