Foto: www.instagram.com/boxingkazakhstan/
Serbiia astanasy Belgradta bokstan dástúrli Branko Peshich memorialy máresine jetti, dep habarlaidy «Ult aqparat» Kazinformǵa silteme jasap.
Qazaqstan boks federatsiiasynan málim etkenindei, qazaqstandyqtar 4 altyn, 4 kúmis medalmen jalpykomandalyq esepte 1 orynǵa ie boldy.
Finalda judyryqtasqan segiz boksshynyń ishinde Ernur Qairat (48 kg), Sanjar Táshkenbai (51 kg), Dáýlet Moldashev (54 kg) jáne Dias Moljigitov chempion atandy. Al Sabyrjan Aqqalyqov (71 kg), Erasyl Jaqpekov (80 kg), Daniiar Rahymberdinov (92 kg), Oljas Boqaev (+92 kg) kúmisti qanaǵat tutty.
Atalmysh jarysta Qazaqstan namysyn 12 boksshy qorǵady.
Eske sala keteiik, budan buryn Serbiiadaǵy halyqaralyq týrnirde 8 qazaqstandyq boksshynyń altyn úshin talasatynyn jazǵan bolatynbyz.
