Reseige salynyp jatqan sanktsiialardyń Kaspii qubyr jelisi konsortsiýmy arqyly eksporttalatyn basqa elderdiń munaiyna qatysy joq. Amerika Qurama Shtattary Qarjy ministrligi osyndai málimet taratty, dep habarlaidy QazAqparat.
«Kaspii qubyr konsortsiýmy siiaqty taratý júieleri shiki munaidy túrli kózderge bólip tarata alady. Iaǵni, Reseiden tys óndirilgen shiki munai jeke satylyp, tielýi kerek. 8 naýryzdaǵy AQSh-qa belgili bir taýarlarlardy importtaýǵa salynǵan tyiym Resei Federatsiiasynda óndirilgenderge ǵana qatysty. Iaǵni, Reseiden tys óndirilgen taýarlar tipti tranzit boiynsha Resei Federatsiiasynyń aýmaǵy arqyly tasymaldanǵan kúnniń ózinde nemese Reseiden tasymaldanǵan kúnniń ózinde bul tyiymǵa kirmeidi», - dep jazylǵan AQSh Qarjy ministrliginiń sársenbidegi málimdemesinde.
Sonymen qatar Qazaqstannyń munai eksportyndaǵy negizgi investordyń biri «Shevron» kompaniiasynyń bas atqarýshy direktory Maikl Ýirt te Kaspii munai qubyry arqyly tasmaldanatyn munai importy týraly pikir bildirdi.
«Bizge eshbir eldiń úkimetinen Kaspii qubyr konsortsiýmynyń jumysy úzilýi múmkin ekeni týraly nusqaý kelip túsken joq. Bizde Kaspii qubyrynan basqa Resei nememes Ýkrainamen esh bailanysymyz joq», - degen Maikl Ýirt.
Eske salsaq, AQSh Prezident ákimshiligi reseilik energiia tasymaldaýshylardyń importyna tyiym salǵan bolatyn. Ol tyiym Resei munaiy men gazy, kómiri kirdi.
Statistika boiynsha Qazaqstan munaiynyń 79 paiyzy Kaspii qubyr konsortsiýmy arqyly eksporttalady. Reseilik Neftegaz.ru saitynyń jazýynsha, 2021 jyly bul qubyr arqyly 60,7 mln tonnadan astam munai eksporttalǵan. Onyń 53,07 mln tonnasy Qazaqstannyń úlesine tiesili. Teńiz ken ornynan – 26 579 365 tonna, Qashaǵannan – 15 743 555 tonna, Qarashyǵanaqtan – 10 285 250 tonna eksporttalǵan.
