Memlekettik kirister komiteti taýarlardyń ótkizilýin baqylaý sharalary týraly aityp berdi, dep habarlaidy QazAqparat.
Belgili bolǵandai, naýryz aiynan bastap jekelegen elder Resei Federatsiiasyna sanktsiia salyp, onyń ishinde Reseige taýarlardyń belgili bir túrlerin jetkizýge tyiym salǵan.
Mundai taýarlardyń basqa elder arqyly jetkizilgeni anyqtalǵan kezde (sanktsiiany ainalyp ótý) mundai elderge qatysty qaitalama sanktsiia qoldanylýy múmkin.
Bizdiń negizgi saýda seriktesterimizdiń biri retinde Resei Federatsiiasymen tyǵyz saýda-ekonomikalyq qatynastardy eskere otyryp, týyndaǵan táýekelderdi eskermeýge bolmaidy.
Qazaqstandyq ekonomika úshin zalalǵa jedel den qoiý jáne jol bermeý úshin QR QM Memlekettik kirister komiteti sanktsiialyq tizimderge kiretin taýarlardyń importy men eksportyna turaqty monitoring júrgizedi.
Atalǵan taýarlardy Qazaqstan Respýblikasynan Resei Federatsiiasyna áketý kezinde memlekettik kirister organdarynyń elektrondyq shot-faktýrany kýálandyrý tetigi iske qosylǵan, bul taýardyń shyǵarylǵan elin aiqyndaýǵa múmkindik beredi.
Baqylaýdyń bul tetigi kedendik bajdardyń stavkalary EAEO Biryńǵai keden tarifinde belgilengennen tómen nemese «alyp qoiý taýarlary» dep atalatyn Qazaqstan Respýblikasynyń aýmaǵynan taýarlardy áketýge jol bermeý maqsatynda Eýraziialyq ekonomikalyq odaqtyń kedendik aýmaǵyna taýarlardy ákelý men olardyń ainalymynyń keibir máseleleri týraly hattama (Býrabai hattamasy) sheńberinde de qoldanylady.
Máselen, qańtar-mamyr ailarynda Resei Federatsiiasymen taýar ainalymy ótken jyldyń sáikes kezeńimen salystyrǵanda aitarlyqtai aýytqý kórsetken joq.
Bul rette tabiǵi ýran, bolattan jasalǵan tutas taptamaly dóńgelekter jáne dizel otyny siiaqty jekelegen taýar pozitsiialary boiynsha, iaǵni eksport úshin dástúrli bolyp tabylatyn qazaqstandyq óndiristiń taýarlary boiynsha, onyń ishinde Resei Federatsiiasyna eksporttyń ósýi baiqalady.
Osylaisha, taýarlardyń jekelegen toptarynyń Resei Federatsiiasyna eksportynyń ósýine qaramastan, sanktsiialyq tizimge kiretin taýarlardy Qazaqstan arqyly keri eksporttaý faktileri baiqalmaidy.
