Halyqaralyq valiýta qorynyń direktory Kristalina Georgieva Ýkrainadaǵy jaǵdaidyń ýshyǵýyna bailanysty elge salynǵan sanktsiialardan Resei defolt bolýy múmkin ekenin aitty, dep habarlaidy QazAqparat TASS-qa silteme jasap.
«Reseige engizilgen buǵan deiin bolmaǵan sanktsiialar eldi retsessiiaǵa ushyratty. Bizdiń boljamǵa sáikes, bul retsessiia aitarlyqtai kúrdeli bolady. Defoltqa qatysty aitar bolsaq, ol da bolýy ǵajap emes», - dedi Georgieva CNBC telekompaniiasyna bergen suhbatynda.
HVQ basshysy Reseidiń «defoltqa ushyraý taqyrybyn spekýliatsiia jasaǵysy kelmeitinin» atap ótti. Onyń pikirinshe, buǵan antireseilik sanktsiialar qanshalyqty uzaq bolatyny, RF-tiń óz qaryzyn tóleý múmkindigi bar-joǵy yqpal etedi.
«Ekeýi de ázirge belgisiz», - dedi ol.
