Reseidiń Ulttyq kitaphanasynda «Abai» aqparattyq-mádeni ortalyǵynyń ashylýy ótti, dep habarlaidy QR SIM baspasóz qyzmeti.
Is-shara qazaqtyń Uly aqyny Abai Qunanbaiulynyń 175 jyldyǵyn merekeleý aiasynda QR Mádeniet jáne sport ministrligi jáne QR Ulttyq akademiialyq kitaphanasy (UAQ) qoldaýymen uiymdastyryldy.
Ortalyqta Abai shyǵarmalarynyń jáne ol týraly basylymdardyń kórmesi bolady. Munda ár kelýshi aqynnyń ómiri men shyǵarmashylyǵy týraly materialdardy, onyń shyǵarmalarynyń álemniń túrli tilderindegi eńbekteri men aýdarmalaryn, belgili abaitanýshylar, filologtar men jazýshylardyń zertteýlerin, elektrondy jáne notalyq basylymdardy, Abai shyǵarmalarynyń jinaqtaryn taba alady.
Ashylý saltanatyna QR Sankt-Peterbýrgtegi Bas konsýly Baýyrjan Dosmanbetov, UAQ jetekshisi Úmithan Muńalbaeva, «Ata-Meken» úkimettik emes uiymynyń basshysy Sársenǵali Quspanov, sondai-aq Sankt-Peterbýrgtiń ǵylymi jáne shyǵarmashylyq intelligentsiiasy qatysty.
Is-shara aiasynda qazaq diasporasynyń ókilderi men «Daryn» Memlekettik jastar syilyǵynyń laýreaty Bekzat Smaǵulovtyń oryndaýynda Abai Qunanbaiulynyń shyǵarmalary qazaq jáne orys tilderinde shyrqaldy.
