Reseidiń Tergeý komiteti Sankt-Peterbýrg metrosyndaǵy jarylysqa Qyrǵyzstan týmasynyń qatysy baryn rastady, - dep habarlaidy "Ult aqparat" kaz.tengrinews.kz portalyna silteme jasap.
"Tergeý Sankt-Peterbýrg metrosyndaǵy jarylys jasaǵan er adamnyń tulǵasyn anyqtady. Ol - 01.04.1995 jyly týǵan Akbarjon Djalilov. Sonymen qatar, "Ploshad Vosstaniia" beketindegi jarylǵysh zaty bar sýmkadan Djalilovtyń genetikalyq izi tabyldy. Genetikalyq saraptama qorytyndysy men baqylaý kameralaryndaǵy jazba boiynsha "Ploshad Vosstaniia" beketinde jarylǵysh zat salynǵan sómkeni tastap ketken jáne metro vagonynda terakt jasaǵan - bir adam" delingen RF Tergeý komitetiniń saitynda.
Aita keteiik, 3 sáýirde Sankt-Peterbýrg metrosynda bolǵan jarylystan 11 adam qaza tapty, al zardap shekkender sany 50-ge jetti.
Jarylys metronyń eki beketinde bolǵan - "Sennaia ploshad" jáne "Tehnologicheskii institýt". Eki jarylystan zardap shekkender arasynda balalardyń bary da anyqtalǵan. Qutqarýshylar jolaýshylardy evakýatsiialady.
Reseidiń Federaldy qaýipsizdik biýrosynyń aldyn ala nusqasy boiynsha Sankt-Peterbýrg metrosynda teraktini uiymdastyrǵan 1995 jylǵy Akbarjon Djalilov. Qyrǵyzstan Memlekettik ulttyq qaýipsizdik komiteti onyń Osh qalasynyń týmasy ekenin rastap berdi.
