Májilis Tóraǵasy Nurlan Nyǵmatýlin TMD PA jáne UQShU PA kúzgi sessiiasy aiasynda Sankt-Peterborda Kórnekti qoǵam jáne memleket qairatkeri, ult-azattyq jáne Alash qozǵalysynyń jetekshisi, Alashorda avtonomiialy úkimetiniń tóraǵasy, pýblitsist, ǵalym, aýdarmashy, Semei oblysynyń atynan I Memlekettik Dýma depýtaty Álihan Bókeihanovtyń eskertkish músininiń ashylýyna qatysty, dep habarlaidy "Ult aqparat" Parlament Májilis apparatynyń baspasóz qyzmetine silteme jasap.
Saltanatty shara Tavricheskii saraiyndaǵy TMD PA shtab-páterinde ótti. Dál osy jerde I Memlekettik Dýma jiyny ótkizilgen. Nurlan Nyǵmatýlin:
- Eki el Prezidentteri Nursultan Nazarbaev pen Vladimir Pýtinniń syndarly jáne batyl saiasatynyń arqasynda búgingi kúni Qazaqstan men Resei eýraziialyq keńistikte integratsiianyń qozǵaýshy kúshine ainaldy. Qazaqstan Táýelsizdiginiń 25 jyldyǵy qarsańynda osy eskertkishtiń ashylýynyń mańyzy erekshe. Osy ýaqyttar ishinde bizdiń elderimiz TMD keńistiginde strategiialyq jáne odaqtas áriptestiktiń jarqyn úlgisin kórsetip keledi,-dedi.
Á. Bókeihanovtyń músini Tavricheskii saraiynyń atriýmynda ornalasady. Qola músinniń biiktigi 2 metrden asady. Músin Qazaqstan Parlamenti depýtattary jinaǵan qarjyǵa jasaldy.
Aita keteiik, osy jyly Á. Bókeihanovtyń týǵanyna 150 jyl tolady. Mereitoi IýNESKO kóleminde atalyp ótpek. Álihan Bókeihan 1866 jyly 5 naýryzda dúniege kelgen. Omby tehnikalyq ýchilishesin aiaqtaǵan soń, Sankt-Peterbýrgtegi Orman institýtyna oqýǵa túsken.
