Foto: ashyq derekkóz
Qazaqstanda maimyl sheshegin juqtyrǵan birde-bir jaǵdai tirkelmegen. Bul týraly Densaýlyq saqtaý ministrligi Sanitarlyq-epidemiologiialyq baqylaý komitetiniń resmi saityna silteme jasaǵan "Ult aqparat" habarlaidy.
"Búgingi tańda Qazaqstanda maimyl sheshegine kúdikti birde-bir jaǵdai tirkelgen joq.
Osy infektsiiany el aýmaǵyna ákelýge jol bermeý boiynsha profilaktikalyq sharalar qabyldandy.
Qazakstannyń sanitariialyq-karantindik pýnktterinde asa qaýipti aýrýlarǵa kúdikti naýqasty memlekettik shekarada anyqtaý jónindegi is-sharalar júrgiziledi", - dedi komitet ókilderi.
Biyl sońǵy alty aiynda ai saiyn tirkelip otyrǵan jaǵdailardyń sany 2022 jyly tamyzda tirkelgen 30 721 jaǵdaidyń elemdik eń joǵary shegimen salystyrǵanda aitarlyqtai tómendedi.
Komitettiń aqparatyna súiensek, sheshektiń inkýbatsiialyq kezeńi 5-ten 21 kúnge deiin bolýy múmkin. Aýrýdyń qyzba kezeńi ádette 1-den 3 kúnge deiin sozylady, belpileri: qyzba, bórtpe, tamaqtyń aýrýy, bas aýrýy, bulshyqettiń jane arqanyń aýyrýy, limfa túiinderiniń isinýi.
Epidemiialyq elderge baratyn týristerge infektsiia taralýynyń aldyn alý úshin kelesidei keńester usynylady:
- Aýyrǵan adamdarǵa jáne infektsiia juqtyrǵan janýarlarǵa (virýstyń tasymaldaýshysy bolýy múmkin maimyl, egeýquiryq, tiinder jáne basqa jabaiy janýarlar) jaqyndamaý;
- Qorǵanysh quraldaryn paidalaný. Janýarlarmen jumys isteý kezinde, ásirese, zerthanalyq jaǵdaida nemese olarǵa kútim jasaý kezinde korǵanysh kimderin, qolǵaptar men maskalardy koldaný manyzdy.
- Tazalyq saqtaý. Qoldy sabynmen únemi jýý jáne dezinfektsiialyq quraldardy qoldaný infektsiianyń taralý qaýpin azaitýǵa kemektesedi.
- Bórtpe, dene qyzýynyń joǵarylaýy, bas aýrýy jáne sharshaý siiaqty belgiler paida bolǵan kezde meditsinalyq kómekke, dárigerge júginý mańyzdy.
