Foto:sputnik.kz
Búgin QR Parlamenti Palatalary birlesken otyrysynda Májilis depýtaty Elnur Beisenbaev Úkimettiń nazarynan júieli túrde tys qalyp otyrǵan aýqymdy máseleni atady, dep habarlaidy Ult.kz.
Depýtat demografiialyq sanda bar, sanatta joq azamattar dep mynalardy atady:
"Zeinetaqy qoryna birde-bir tiyn jinamaǵan – 3,5 million adam, áleýmettik meditsinalyq saqtandyrýdan tys qalǵan – 3 million adam, ózin-ózi jumyspen qamtamasyz etip júrgen, aty da, zaty da belgisiz taǵy 2,5 million adam bar. Biz keltirgen málimetterdiń artynda kedeishilikpen kúresip júrgen, turaqty jumys taba almai júrgen milliondaǵan adamnyń taǵdyry tur", - dedi ol.
Sonymen qatar Elnur Beisenbaev elimizdegi eńbekke qabiletti shamamen 10 million adamnyń nebári 5,5 milliony ǵana naqty ári turaqty jumyspen qamtylǵanyn aitady.
Al Úkimettiń elimizde ortasha jalaqy – 423 myń teńgeni quraidy degen málimetine kúmán keltirip depýtat elimizde dál qazir 3 million adam – nebári 200 myń teńge jalaqy alsa, al 1 million 800 myń azamat eń tómengi jalaqy – 85 myń teńgege kún kórip otyrǵanyn aitty.
Sodan májilismen Beisenbaev:
"Sonda 423 myń teńge jalaqyny kim alady?!" - degen suraq qoidy.
