Sanaviatsiia ózdiginen demala almaityn, týǵanyna bes kún bolǵan aýyr haldegi sábidi shuǵyl túrde Qyzylordadan Almaty qalasyna jetkizdi, dep habarlaidy "Ult aqparat" QR Densaýlyq saqtaý ministrligine silteme jasap.
Ministrliktiń baspasóz qyzmetiniń málimdeýinshe, 1987 jylǵy Qazaqstan Respýblikasynyń azamaty ókpesine jasandy jeldetkish apparaty qoiylǵan bes kúndik balasymen shuǵyl tártipte QR sanitariialyq aviatsiia jelisi boiynsha Qyzylorda qalasynan Almaty qalasyna jetkizildi.
«Sábi 27 shildede týa bitken júrek kemistigimen aýyr jaǵdaida dúniege kelgen. Bosanǵannan keiingi kezeńde jańa týǵan nárestege jaǵdaiyn turaqtandyrǵanǵa deiin qajetti meditsinalyq kómek kórsetildi. Operatsiia júrgizý úshin náreste anasymen birge Almaty qalasynyń Pediatriia jáne balalar hirýrgiiasy ǵylymi ortalyǵyna sanitarlyq aviatsiianyń kúshimen jetkizildi. Mundai qajettilik náreste densaýlyǵynyń aýyr jaǵdaiyna jáne meditsinalyq mekemede operatsiia júrgizý úshin jaǵdailardyń bolmaýyna bailanysty týyndady», delingen habarlamada.
Jańa týǵan nárestelerdi aviatasymaldaý patsienttiń jaǵdaiyn tez arada turaqtandyrýdy qamtamasyz etý, búkil ushý ýaqyty ishinde aǵzanyń ómirlik mańyzdy fýnktsiialaryna monitoring júrgizý jáne qajettilik týyndaǵan jaǵdaida kezek kúttirmeitin is-sharalardy kórsetý úshin mańyzdy. Bul rette áýe kemesiniń bortynda qajetti meditsinalyq jabdyqtar men dári-dármekterdiń bolýyna erekshe nazar aýdarylatynyn eskerý qajet.
Aita keterligi, 2019 jyldyń birinshi jarty jyldyǵynda Ulttyq shuǵyl meditsinany úilestirý ortalyǵynyń (UShMÚO) meditsina mamandary 1 285 ushýdy oryndaǵan, 1 739 meditsinalyq qyzmet, 1 550 patsientke kómek kórsetken.
UShMÚO kóbinese qanainalym júiesi aýrýlarymen aýyratyn naýqastarǵa, jazataiym jaǵdailar, ýlanýlar jáne jaraqattar alý kezinde, jańa týǵan náresteler men jas balalarda jasyndaǵy patologiialar kezinde, sondai-aq kezek kúttirmeitin akýsherlik jaǵdailar kezinde meditsinalyq kómek kórsetedi. 2019 jylǵy 6 aida patologiialyq aýrýlary bar náresteler jalpy patsientter sanynyń 11,7% qurady.
