QR Prezidenti janyndaǵy Qazaqstan strategiialyq zertteýler institýty direktorynyń orynbasary, saiasattaný ǵylymynyń doktory, dotsent Sanat Kóshkimbaev AQSh-tyń Memlekettik hatshysy Maik Pompeonyń Qazaqstanǵa saparyna bailanysty pikir bildirdi, dep habarlaidy QazAqparat tilshisi.
«AQSh Memlekettik hatshysy Maik Pompeonyń Qazaqstanǵa jumys saparymen kelýi óte mańyzdy ról atqarady, sebebi AQSh Memlekettik hatshylary elimizge sońǵy ret bes jyl buryn kelgen. Bul - Qazaqstan úshin de, AQSh úshin de mańyzdy jańalyq», - deidi Sanat Kóshkimbaev.
Ol AQSh-tyń Memlekettik hatshysy Ortalyq Aziia memleketteri ishinde eń aldymen Qazaqstanǵa kelgenin aitty.
«Ol aldymen Nur-Sultan qalasyna keldi, odan keiin ǵana búgin S5+1 formatyndaǵy ministrler kezdesýine qatysý úshin Tashkentke bardy. Qazaqstan - AQSh-tyń investitsiia kólemi, ózara saýda-sattyq, qaýipsizdik salasynda jumys isteý boiynsha strategiialyq seriktesi. Bul týraly Memleket basshysymen jáne QR Tuńǵysh Prezidenti - Elbasy Nursultan Nazarbaevpen kezdesý barysynda aityldy. AQSh úshin seriktestiktiń osy deńgeiiniń saqtalyp qalýy ǵana emes, keńeiýi jáne tereńdei túsýi mańyzdy», - deidi ol.
Onyń aitýynsha, Maik Pompeonyń Qazaqstanǵa kelýi - AQSh-tyń qostarapty, sondai-aq Ortalyq Aziiada kóptarapty áreket etý formatyna daiyn ekenin bildiredi.
«Meniń oiymsha, aimaqtaǵy jaǵdaidy, sonyń ishinde Ózbekstanda júzege asyrylyp jatqan reformalardy jáne Qazaqstandaǵy tranzitke bailanysty reformalardy eskersek, qazir osyndai bailanys ornatýǵa eń qolaily ýaqyt. Tuńǵysh Prezident - Elbasy Nursultan Nazarbaev kezdesý barysynda AQSh-tyń bes memlekettik hatshysymen kezdeskenin aityp ótýi - kezdeisoqtyq emes. AQSh úshin jemisti qarym-qatynas ornatý mańyzdy ekeni belgili. Bul jolǵy kezdesý solai bolǵanyn aita ketý kerek. Bul týraly AQSh Memlekettik hatshysy Tvitterde jazdy. Qazaqstandyq tarap ta kezdesý joǵary deńgeide ótkenin aitady», - deidi Sanat Kóshkimbaev.
QR Syrtqy ister ministri sońǵy jarty jyl ishinde AQSh Memlekettik hatshysymen tórt ret kezdesken. Sarapshy buǵan da nazar aýdaryp otyr.
«Bul da Qazaqstan men AQSh arasynda jemisti qarym-qatynas ornaǵanyn bildiredi. Prezident Qasym-Jomart Toqaev AQSh Prezidenti Donald Tramppen qysqasha áńgimeleskenin aityp ótý kerek. Sondyqtan bul bailanys keńeie túsedi jáne tereńdei beredi. QR Premer-Ministri Asqar Maminniń jáne basqa da basshylardyń AQSh-qa barýy únemi ónimdi sipatqa ie bolyp keledi», - deidi ol.
