قر پرەزيدەنتٸ جانىنداعى قازاقستان ستراتەگييالىق زەرتتەۋلەر ينستيتۋتى ديرەكتورىنىڭ ورىنباسارى, ساياساتتانۋ عىلىمىنىڭ دوكتورى, دوتسەنت سانات كٶشكٸمباەۆ اقش-تىڭ مەملەكەتتٸك حاتشىسى مايك پومپەونىڭ قازاقستانعا ساپارىنا بايلانىستى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«اقش مەملەكەتتٸك حاتشىسى مايك پومپەونىڭ قازاقستانعا جۇمىس ساپارىمەن كەلۋٸ ٶتە ماڭىزدى رٶل اتقارادى, سەبەبٸ اقش مەملەكەتتٸك حاتشىلارى ەلٸمٸزگە سوڭعى رەت بەس جىل بۇرىن كەلگەن. بۇل - قازاقستان ٷشٸن دە, اقش ٷشٸن دە ماڭىزدى جاڭالىق», - دەيدٸ سانات كٶشكٸمباەۆ.
ول اقش-تىڭ مەملەكەتتٸك حاتشىسى ورتالىق ازييا مەملەكەتتەرٸ ٸشٸندە ەڭ الدىمەن قازاقستانعا كەلگەنٸن ايتتى.
«ول الدىمەن نۇر-سۇلتان قالاسىنا كەلدٸ, ودان كەيٸن عانا بٷگٸن س5+1 فورماتىنداعى مينيسترلەر كەزدەسۋٸنە قاتىسۋ ٷشٸن تاشكەنتكە باردى. قازاقستان - اقش-تىڭ ينۆەستيتسييا كٶلەمٸ, ٶزارا ساۋدا-ساتتىق, قاۋٸپسٸزدٸك سالاسىندا جۇمىس ٸستەۋ بويىنشا ستراتەگييالىق سەرٸكتەسٸ. بۇل تۋرالى مەملەكەت باسشىسىمەن جەنە قر تۇڭعىش پرەزيدەنتٸ - ەلباسى نۇرسۇلتان نازارباەۆپەن كەزدەسۋ بارىسىندا ايتىلدى. اقش ٷشٸن سەرٸكتەستٸكتٸڭ وسى دەڭگەيٸنٸڭ ساقتالىپ قالۋى عانا ەمەس, كەڭەيۋٸ جەنە تەرەڭدەي تٷسۋٸ ماڭىزدى», - دەيدٸ ول.
ونىڭ ايتۋىنشا, مايك پومپەونىڭ قازاقستانعا كەلۋٸ - اقش-تىڭ قوستاراپتى, سونداي-اق ورتالىق ازييادا كٶپتاراپتى ەرەكەت ەتۋ فورماتىنا دايىن ەكەنٸن بٸلدٸرەدٸ.
«مەنٸڭ ويىمشا, ايماقتاعى جاعدايدى, سونىڭ ٸشٸندە ٶزبەكستاندا جٷزەگە اسىرىلىپ جاتقان رەفورمالاردى جەنە قازاقستانداعى ترانزيتكە بايلانىستى رەفورمالاردى ەسكەرسەك, قازٸر وسىنداي بايلانىس ورناتۋعا ەڭ قولايلى ۋاقىت. تۇڭعىش پرەزيدەنت - ەلباسى نۇرسۇلتان نازارباەۆ كەزدەسۋ بارىسىندا اقش-تىڭ بەس مەملەكەتتٸك حاتشىسىمەن كەزدەسكەنٸن ايتىپ ٶتۋٸ - كەزدەيسوقتىق ەمەس. اقش ٷشٸن جەمٸستٸ قارىم-قاتىناس ورناتۋ ماڭىزدى ەكەنٸ بەلگٸلٸ. بۇل جولعى كەزدەسۋ سولاي بولعانىن ايتا كەتۋ كەرەك. بۇل تۋرالى اقش مەملەكەتتٸك حاتشىسى تۆيتتەردە جازدى. قازاقستاندىق تاراپ تا كەزدەسۋ جوعارى دەڭگەيدە ٶتكەنٸن ايتادى», - دەيدٸ سانات كٶشكٸمباەۆ.
قر سىرتقى ٸستەر مينيسترٸ سوڭعى جارتى جىل ٸشٸندە اقش مەملەكەتتٸك حاتشىسىمەن تٶرت رەت كەزدەسكەن. ساراپشى بۇعان دا نازار اۋدارىپ وتىر.
«بۇل دا قازاقستان مەن اقش اراسىندا جەمٸستٸ قارىم-قاتىناس ورناعانىن بٸلدٸرەدٸ. پرەزيدەنت قاسىم-جومارت توقاەۆ اقش پرەزيدەنتٸ دونالد ترامپپەن قىسقاشا ەڭگٸمەلەسكەنٸن ايتىپ ٶتۋ كەرەك. سوندىقتان بۇل بايلانىس كەڭەيە تٷسەدٸ جەنە تەرەڭدەي بەرەدٸ. قر پرەمەر-مينيسترٸ اسقار ماميننٸڭ جەنە باسقا دا باسشىلاردىڭ اقش-قا بارۋى ٷنەمٸ ٶنٸمدٸ سيپاتقا يە بولىپ كەلەدٸ», - دەيدٸ ول.
