Foto: www.press.rolls-roycemotorcars.com
Ulttyq ekonomika ministri Álibek Qýantyrov Qazaqstanda sán-saltanat salyǵy qashan paida bolatynyn jáne ol kimderge qatysty ekenin aitty, - dep habarlaidy Tengrinews.kz portaly.
"Qazir bunyń bárin talqylap jatyrmyz. Bizde ártúrli usynystar bar, sonyń ishinde jeke tulǵada birneshe jyljymaityn múlik, bir adamǵa tirkelgen eki nemese úsh, qandai da bir jyljymaityn múlik nysandary bolsa, onda ol ádettegi jolmen tóleidi. Biraq sany boiynsha asyp ketse... Iaǵni, ártúrli nusqalardy qarastyramyz: quny nemese sany boiynsha. Munyń bárin qosymsha talqylaimyz", - dedi ministr Senatta jýrnalister suraǵyna jaýap berip.
Onyń aitýynsha, talqylaýdyń belsendi kezeńi 2023 jyldyń birinshi toqsanynda bolady dep kútiledi. Ministr ázirge naqty erejeler joq ekenin aitty.
Qýantyrov salyq, negizinen, osy salyqty tóleýge múmkindigi bar aýqatty adamdarǵa qatysty bolady dep sendirdi.
"Sáikesinshe, bul olarǵa ziian tigizbeidi. Sán-saltanat salyǵy, negizinen, qymbat kólikterge, basqa sándi zattarǵa, múmkin antikvariatqa, jyljymaityn múlikke jáne t.b. qatysty bolýy múmkin", - dep túsindirdi ol.
Ministr bul salyqty tolyq engizý 2024 jylǵa josparlanyp otyrǵanyn aitty.
