Sýret ashyq derekkózden alyndy
«Samuryq-Qazyna» qory sheteldik top-menedjerlerden arylyp jatyr. Bul týraly «Samuryq-Qazyna» qorynyń qoǵammen bailanys, áleýmettik-eńbek qatynasy jáne eńbekti qorǵaý jónindegi basqarýshy direktory Ǵibrat Aýǵanov aitty, dep habarlaidy QazAqparat.
«2022 jyly «Samuryq-Qazyna» qorynyń basshylyq quramynda óte mańyzdy ózgerister boldy. Basqarýdy direktorlar 2 esege qysqardy, qalǵan bes basqarýshy direktordyń úsheýi aýysty. Búgingi tańda prezidenttik kadr rezerviniń 3 múshesi basqarýshy direktor bolyp otyr. Sonymne qatar bir jyldyń ishinde Qor tobyndaǵy 12 iri óndiristik kompaniianyń 8-ine jańa basshy taǵaiyndaldy. Olar: «QazMunaiGaz», «QazaqGaz», «Qazatomónerkásip», «Samuryq-Energo», «Qazposhta», «Qazaq Air», «Taý-Ken Samuryq», «Samuryq-Qazyna Óndeý», - dedi Ǵibrat Aýǵanbaev baspasóz máslihaty barysynda.
Onyń atap ótýinshe, basshylyq qyzmetke Qazaqstan mamandaryn taǵaiyndaý baǵytynda da belsendi jumys júrgizilip jatyr.
«Byltyr «Samuryq-Qazyna» tobyndaǵy kompaniialardaǵy 10 sheteldik basshynyń ornyn jergilikti mamandar basty. Máselen, tarihta alǵash ret «Qazaq Air» áýe kompaniiasynyń basshysy bolyp Erkin Naýryzbaev taǵaiyndaldy. «Jolaýshylar tasymaly» AQ-ty Jánibek Taijanov basqarsa, «Air Astana» áýe kompaniiasynyń bortta qyzmet kórsetý jónindegi vitse-prezidenti bolyp Elena Obýhova qyzmetke kiristi. Direktorlar keńesi men baqylaý keńesteriniń quramyndaǵy sheteldikterdiń sany da azaiyp keledi. Bir jyl ishinde 23-ten 14 adamǵa, iaǵni 40 paiyzǵa qysqardy», - dedi ol.
