Memlekettik organdardy modernizatsiialaý «Samuryq-Qazyna» qorynyń transformatsiiasy jolymen júrýi múmkin. Qalai degenmen de, ulttyq holding pen úkimet ókilderi Astanada ótken toptyń keńeitilgen otyrysynda naqty osy másele týraly sóz qozǵady.
«Samuryq-Qazyna» tobynda birneshe jyldan beri júrgizilip kele jatqan mundai aýqymdy jiyndy qor transformatsiiasy rýhynda – taýnholl dep ataidy. Osy joly qordyń qyzmetkerleri men srategiialyq serikitesteri, direktorlar keńesiniń músheleri, portfeldik kompaniialardyń ókilderi, parlament depýtattary men memlekettik organdar ókilderi transformatsiianyń korporativtik qundylyqtarynyń rólin talqylaýǵa jinaldy. Keńeitilgen otyrystyń resmi taqyryby – «Samuryq-Qazyna mádeni kody. Reinvention».
«Bizdiń mádenietimizge múddeli tulǵalardyń barlyǵyn qatystyrýdy josparlap otyrmyz. Transformatsiialanǵan qor eshqashan burynǵydai jumys istemeitin bolady. «Jaqsy biznes - paidaly biznes» deitin sóz bar. Biz strategiialyq holdingtiń, belsendi investordyń jańa operatsiialyq modeline óttik, ári portfeldik kompaniialardyń qyzmetine ákimshilik qondyrma bolmaimyz», - dep málimdedi qor basshysy Ó.Shókeev.
Buryn «Samuryq-Qazyna» basshylyǵy korporativti ortalyqta trasformatsiianyń negizgi bóligi aiaqtaldy, endi onyń úlgisimen qordyń portfeldik kompaniialary júretindigin málimdegen edi. Alaida ózgeristerdi aiaqtaýǵa bolmaidy, bul úzdiksiz úderis, óitkeni ony keremet jyldamdyqpen ózgerip jatqan biznes-orta men ómirdiń ózi májbúr etýde. Qor basshylyǵynyń sózine qaraǵanda, dál osy tájiribe aldaǵy modernizatsiia turǵysynan barlyq memlekettik organdar men úkimetke paidaly.
«Bizdiń qorda iske asyp jatqan ózgeristerge memlekettik organdar tarapynan zor qyzyǵýshylyqtyń bolýyn jáne olardyń da ózgerýge degen nietin atap aitqym keledi. Shynymen de, bizdiń qor úshin osy ózgeris ideologiiasy qorymyzdan tysqary, ásirese úkimet pen memlekettik organdarǵa da taraǵany mańyzdy. Úzdiksiz ózgeris filosofiiasy barlyǵyna, ásirese úkimetke darysa deimiz. Bizge qazirdiń ózinde memlekettik organdar kelip, tájiribemizben bólisýimizdi suraýda. Bas prokýratýra, jaqynda Ishki ister ministrligi... Bul da osy qundylyqtyń uzaq merzimdik bóligi – seriktestik ekenin túsinemiz», - dep málimdedi «Samuryq-Qazynanyń» basqarýshy direktory Nurlan Rahmetov.
Senator, ári qordyń burynǵy top-menedjeri Darhan Qaletaevtiń aitýynsha, «Samuryq-Qazyna» óziniń ózgeris vektorynda eldiń jalpy baǵytynan ozyp ketýi sebebinen kóptegen kedergilerge tap boldy.
«Tysqary baqylaýshy retinde, meniń oiymsha qor durys baǵytta kele jatyr. Degenmen de, qorda oryn alǵan úderisterde qordyń ózine de, onda jumys isteitin adamdarǵa da qatysty joq bir kemshilik bar. Alaida, qorda oryn alǵan úderister memleketteginiń kestesinde emes. Qor – memleketti modernizatsiialaýdaǵy startap tárizdi. Qazir elimiz asyqpai, nyq basyp modernizatsiia úderisine qarai kele jatyr», - dedi Qaletaev otyrysta aitqan sózinde.
Aldaǵy damýy turǵysynda «Samuryq-Qazyna» korporativtik mádenietke den qoiýda. Toptyń iri kompaniialarynyń IPO-ǵa shyǵýy qarsańynda osy baǵytty damytýy, qor úshin shynaiy qun beredi. «Samuryqtyń» jańa korporativtik mádeniettiń negizgi printsipteriniń biri - seriktesik pen meritokratiia.
«Biz meritokratiiany korporativtik mádeniettiń ierarhiialyqtan naryqtyq modelge ótýiniń quraly retinde paidalanamyz. Eki jyl buryn «Qazaqtelekom» teń múmkindikter beretin jumys berýshi brendin jariialady. Al tartymdylyq turǵysynan biz syrtqy úmitkerlerge de, ishki úmitkerlerge de teń múmkindik beremiz», - dep málimdedi «Qazaqtelekom» AQ qyzmetkerlerdi basqarý jónindegi basqarýshy direktory Berik Bitabarov.
«Biz óz synypymyzda eń úzdigi bolýymyz qajet. Shyn mánisinde, bul bizdiń basty mindetimiz. Ári osy suraqqa únemi qaityp oralamyz. Biz temir jol salasynda bolsyn, poshta qyzmetinde bolsyn kim úzdik atansa, ózimizdi solarmen salystyryp, solar siiaqty bolýǵa talpynýǵa mindettimiz. Meniń oiymsha aldymyzda eń mańyzdy kezeń – búkil baǵdarlamanyń úshinshi kezeńi – IPO baǵdarlamasy tur», - dep málimdedi «Samuryq-Qazyna» AQ táýelsiz direktory ser Richard Evans.
Osy tájiribe qazirgi ýaqytta búkil eldi modernizatsiialaýda jaqsy qyzmet kórsete alatyndyǵyna «Rýhani jańǵyrý» qoǵamdyq sanany jańǵyrtý baǵdarlamasyn basqarý ofisiniń basshysy Arman Evniev senimdi.
«Samuryq-Qazynanyń» taǵy bir úlken missiiasy – adamdardyń, kompaniialardyń ózgerýi múmkin ekenin jáne aldaryna zor maqsattar qoiyp, sol maqsattarǵa jete alatyndyǵyn kórsetetin eksperimentaldyq alań, inkýbator. «Samuryq-Qazyna» sońǵy 4-5 jylda adamdardy, kompaniialardy, sondai-aq, qarym-qatynasty ózgertý, seriktestikti damytý boiynsha shynaiy ádisteme jasap shyǵardy», - dedi Evniev.
Otyrysty qorytyndylai kele, Shókeev qordyń barlyq qyzmetkerleri bir maqsatqa – ekonomikalyq tiimdilikti pen eńbek ónimdiligin arttyrýǵa jumys isteitindigin, ári mádeni kod – quzirettilikterdiń jiyntyǵy ǵana emes, sondai-aq, úzdik bolýǵa umtylý ekendigin erekshe atap aitty.
