Foto: © instagram/minecology_kz
«Samuryq-Qazyna» Abai oblysynda órtten zardap shekken jandarǵa kómek retinde 200 mln teńge bóldi. Bul týraly qor basshysy Nurlan Jaqypov málimdedi, dep habarlaidy "Ult aqparat".
«Búkil Qazaqstan orman órti órship turǵan Abai oblysyndaǵy otandastarymyz úshin alańdaýly. Memleket basshysy azamattarǵa jan-jaqty kómek kórsetýdi tapsyrdy. Biz ulttyq ál-aýqat qory retinde tasada qala almaimyz.
«Samuryq-Qazyna» kompaniialar toby evakýatsiialanǵan eldimekenderdiń turǵyndary men órtti sóndirýge tartylǵan mamandarǵa gýmanitarlyq kómek retinde 200 mln teńge jiberý týraly sheshim qabyldady», - dep jazdy Jaqypov Twitter-degi paraqshasynda.
