"Samuryq-Qazyna" QHR-lyq seriktesterimen 40 kommertsiialyq kelisimge qol qoidy. Olardyń arasynda Qytaidyń eń iri investitsiialyq kompaniialarynyń biri «WintaGroup» uiymymen ózara túsinistik týraly memorandýmǵa qol qoiý sharasy da bar.
Bul týraly Qazaqstan Respýblikasy Prezidenti N.Nazarbaevtyń Qytai Halyq Respýblikasyna issapary aiasynda uiymdastyrylǵan Qazaqstan-Qytai iskeri keńesi barysynda «Samuryq-Qazyna» AQ Basqarma tóraǵasy Ahmetjan Esimov aitty.
«Biz ekijaqty ekonomikalyq qarym-qatynastyń ary qarai, budan da qarqyndy damyǵanyna múddelimiz. Eki el kóshbasshylarynyń keshe ótkizgen kelissózderi, qol jetkizilgen kelisimder men bekitilgen qujattar osyny kezekti ret dáleldep otyr jáne biznestiń damýyna, eki el biznesiniń ózara yqpaldastyǵyna jańa tamasha múmkindik beredi. Búgingi Qazaqstan – bul zor investitsiialyq áleýeti bar memleket, osy maqsatta biznes júrgizý jáne tikelei investitsiia túsimi sharttaryn jaqsartý boiynsha júielik jumystar atqarylyp jatyr. Búgingi besinshi otyrysta quny 13 mlrd AQSh dollardy kuraityn 40-tan astam kommertsiialyq kelisimge qol qoiý josparlanyp otyr», - dep atap ótti Qor basshysy.
Onyń sózine qaraǵanda, KTZ Express pen JD Logistics arasyndaǵy kelisim «Qorǵas-Shyǵys Qaqpa» AEA-daǵy kólik-logistikalyq infraqurylym boiynsha yqpaldastyq tanytýdy qosa alǵanda transshekaralyq elektrondy kommertsiia aiasynda logistikalyq jobalardy damytýǵa baǵyttalǵan.
Airport Management Group jáne Beijing China-Russia united international logistics Co. Ltd uiymdary da Qazaqstan arqyly áýe jáne júk tasymaldaryn damytýǵa baǵyttalǵan kelisim bekitti. Rail Air jobasy da osy mámilede qamtylyp otyr.
Sondai-aq Qytai Saýda-ónerkásip bankimen, CNPC Guangxi Petrochemical Company jáne China Express Airlines uiymdarymn úsh kelisim bekitildi.
