«Samuryq-Qazyna» qorynyń 7 top-menedjeri qyzmetinen ketti, dep habarlaidy "Ult aqparat" «Samuryq-Qazyna» ál-aýqat qorynyń baspasóz qyzmetine silteme jasap.
Memleket basshysy tapsyrmalaryn iske asyrý boiynsha Is-sharalar josparyna sáikes, búgin jazǵan aryzdarynyń negizinde qyzmetinen bosatyldy:
Kravchenko Andrei Nikolaevich, Quqyqtyq súiemeldeý jáne táýekelder jónindegi basqarýshy direktor – «Samuryq-Qazyna» AQ Basqarma múshesi.
Mankeev Muhtar Naýryzbaiuly, «Samuryq-Qazyna» AQ Korporativtik basqarý jáne áleýmettik-eńbek qatynastary jónindegi basqarýshy direktor.
Dúrmaǵambetov Erlan Dmitrievich, «Samuryq-Qazyna» AQ Strategiia, turaqty damý jáne tsifrlyq transformatsiia jónindegi basqarýshy direktor.
Tájiǵaliev Muhtar Ótepqaliuly, «Samuryq-Qazyna» AQ Aktivterdi basqarý jónindegi teń-basqarýshy direktor.
Espolov Bektenbai Tilektesuly, «Samuryq-Qazyna» AQ Qoǵam jáne Úkimetpen bailanys jónindegi seriktes basqarýshy direktory.
Túsipbekov Jannat Rashiduly, «Birikken himiialyq kompaniia» JShS Basqarma tóraǵasy.
Qojaqov Qýat Asqarbekuly, «Samruk-Kazyna Trust» KQ Bas direktory.
Portfeldik kompaniialarǵa korporativtik ortalyq qyzmetkerleriniń sanyn zań talaptaryna sáikes eki ese qysqartyp, óndiristik qyzmetkerlerdiń jalaqysyn alǵashqy kezeńde ortasha salalyq kórsetkishterge deiin kóterý týraly keńes berildi.
Portfeldik kompaniialarǵa satyp alýlarǵa jaýapty barlyq basshylardy zań talaptaryna sáikes qyzmetinen bosatyp, Qor tobyna repýtatsiialyq ári jemqorlyq qaýip tóndiretin barlyq qyzmetkerlerdi jumystan bosatý týraly keńes berildi.
Portfeldik kompaniialar birqatar qyzmetkerlerdi qysqartatynyn jetkizdi («QazMunaiGaz» UK» AQ – 78 adam, «Qazatomprom» UAK» UQ – 46 adam, «Qazaqstan Temir Joly» UK» AQ - 32 adam jáne basqalar).
Buǵan deiin jariialanǵandai, korporativtik ortalyq qyzmetkerleriniń sany eki ese qysqartyldy (shtattyq qyzmetter 177-den 124-ke deiin qysqartý, aýtstaffing 71-den - tolyq joiý). Basqarýshy qyzmetter 10-nan 5-ke deiin qysqardy. Qurylymdyq bólimder sany 27-den 18-ge deiin qysqardy.
«Samuryq-Qazyna» AQ Basqarmasynyń 2022 j. 24-shi qańtaryndaǵy sheshimimen «Samuryq-Qazyna Invest» JShS Bas direktory A. K. Sultanovtyń, «Samruk-Kazyna Construction» AQ Basqarma tóraǵasy B.A. Sandyqbaevtyń, «Samuryq-Qazyna Kontrakt» JShS bas direktory A.J. Aqylovtyń, «Samuryq-Qazyna Biznes Servis» JShS bas direktory S.K. Elshibekovtyń ýákilettikteri merziminen buryn aiaqtalyp, olarmen eńbek qatynastary toqtatyldy.
