Biylǵy jyldyń birinshi jartyjyldyǵynyń qorytyndylary boiynsha «Samuryq-Qazyna» AQ kompaniialar tobynda qarjylyq kórsetkishter 2021 jyldyń birinshi jartysyna belgilengen jospardan tys oryndalyp, 2020 jyldyń kórsetkishterinen asyp jyǵyldy, dep habarlaidy "Ult aqparat".
6 aidyń qorytyndysy boiynsha taza tabys 809 mlrd teńgeni qurady. Bul ótken jyldyń sáikes merzimimen salystyrǵanda 3,5 esege artyq. Al, jospar boiynsha taza tabys 217 mlrd teńge bolady dep boljanǵan. Bul týraly brifingte «Samuryq-Qazyna» Qorynyń ekonomika jáne qarjy jónindegi basqarýshy direktory Názira Nurbaeva málimdedi.
Aldyn ala baǵalaý boiynsha 2021 jyldyń qorytyndysy boiynsha jiyntyq taza tabys 1,195 mlrd teńge bolady dep boljanýda. Iaǵni, pandemiiaǵa deiingi 2019 jyldyń kórsetkishterine jýyq jáne 2020 jyldyń nátijelerinen eki ese artyq.
Qarjylyq kórsetkishterdiń ońalýyna munai baǵasynyń ortasha eseppen barreline 67$ deiin ósýi, munai óńdeý kóleminiń 13%-ǵa ulǵaiýy, elektqýatyn óndirý men tasymaldaý kóleminiń 22% jáne 20%-ǵa artýy, júk tasymalynyń 3% arta túsýi jáne konteinerlik tranzittiń 32% ulǵaiýy yqpalyn tigizgen.
Biylǵy jyly temir jolmen jolaýshylar tasymaly 46% arta tústi. AirAstana men Qazaq Air 8 aidyń qorytyndysy boiynsha byltyrǵymen salystyrǵanda 2 ese kóp jolaýshy tasymaldady.
Birinshi jartyjyldyqtyń qorytyndysy boiynsha Qor tobyna kiretin kompaniialarda qarjylyq turaqtylyq boiynsha kórsetkishterdiń aitarlyqtai jaqsarýy baiqalyp otyr. Qaryz/EBITDA kórsetkishi 2020 jylmen salystyrǵanda toptyń EBITDA kórsetkishin 737 mlrd teńgege jaqsarýy arqasynda 3,6 dan 2,8-ge deiin azaidy. Bul kórsetkish 2,7 ge deiin qysqarady dep boljanyp otyr. Bul kompaniialar tobynyń qarjylyq turaqtylyǵyn aiǵaqtaidy.
Biylǵy jyldyń mańyzdy oqiǵalarynyń biri – «Samuryq-Qazyna» Qorynyń uzaqmerzimdi jáne qysqamerzimdi reitingterin halyqaralyq Standard&Poors reiting agenttigimen joǵarylatýy boldy. Shetel jáne ulttyq valiýtadaǵy mindettemeler boiynsha «VVV-» deńgeiine deiin joǵarylap, boljam – «Turaqty» belgilendi.
«Búgin Moody’s reiting agenttigi Qordyń buqaraǵa arnalǵan reitingin jariialaýy tiis – elimizdiń egemen reitingisiniń ulǵaiýymen qatar Qordyń reitingi de Vaa2 deńgeiine deiin kóteriledi, boljam – «Turaqty» bolady dep kútilýde», dedi Názira Nurbaeva
