بيىلعى جىلدىڭ بٸرٸنشٸ جارتىجىلدىعىنىڭ قورىتىندىلارى بويىنشا «سامۇرىق-قازىنا» اق كومپانييالار توبىندا قارجىلىق كٶرسەتكٸشتەر 2021 جىلدىڭ بٸرٸنشٸ جارتىسىنا بەلگٸلەنگەن جوسپاردان تىس ورىندالىپ, 2020 جىلدىڭ كٶرسەتكٸشتەرٸنەن اسىپ جىعىلدى, دەپ حابارلايدى "ۇلت اقپارات".
6 ايدىڭ قورىتىندىسى بويىنشا تازا تابىس 809 ملرد تەڭگەنٸ قۇرادى. بۇل ٶتكەن جىلدىڭ سەيكەس مەرزٸمٸمەن سالىستىرعاندا 3,5 ەسەگە ارتىق. ال, جوسپار بويىنشا تازا تابىس 217 ملرد تەڭگە بولادى دەپ بولجانعان. بۇل تۋرالى بريفينگتە «سامۇرىق-قازىنا» قورىنىڭ ەكونوميكا جەنە قارجى جٶنٸندەگٸ باسقارۋشى ديرەكتورى نەزيرا نۇرباەۆا مەلٸمدەدٸ.
الدىن الا باعالاۋ بويىنشا 2021 جىلدىڭ قورىتىندىسى بويىنشا جيىنتىق تازا تابىس 1,195 ملرد تەڭگە بولادى دەپ بولجانۋدا. ياعني, پاندەميياعا دەيٸنگٸ 2019 جىلدىڭ كٶرسەتكٸشتەرٸنە جۋىق جەنە 2020 جىلدىڭ نەتيجەلەرٸنەن ەكٸ ەسە ارتىق.
قارجىلىق كٶرسەتكٸشتەردٸڭ وڭالۋىنا مۇناي باعاسىنىڭ ورتاشا ەسەپپەن باررەلٸنە 67$ دەيٸن ٶسۋٸ, مۇناي ٶڭدەۋ كٶلەمٸنٸڭ 13%-عا ۇلعايۋى, ەلەكتقۋاتىن ٶندٸرۋ مەن تاسىمالداۋ كٶلەمٸنٸڭ 22% جەنە 20%-عا ارتۋى, جٷك تاسىمالىنىڭ 3% ارتا تٷسۋٸ جەنە كونتەينەرلٸك ترانزيتتٸڭ 32% ۇلعايۋى ىقپالىن تيگٸزگەن.
بيىلعى جىلى تەمٸر جولمەن جولاۋشىلار تاسىمالى 46% ارتا تٷستٸ. AirAstana مەن Qazaq Air 8 ايدىڭ قورىتىندىسى بويىنشا بىلتىرعىمەن سالىستىرعاندا 2 ەسە كٶپ جولاۋشى تاسىمالدادى.
بٸرٸنشٸ جارتىجىلدىقتىڭ قورىتىندىسى بويىنشا قور توبىنا كٸرەتٸن كومپانييالاردا قارجىلىق تۇراقتىلىق بويىنشا كٶرسەتكٸشتەردٸڭ ايتارلىقتاي جاقسارۋى بايقالىپ وتىر. قارىز/EBITDA كٶرسەتكٸشٸ 2020 جىلمەن سالىستىرعاندا توپتىڭ EBITDA كٶرسەتكٸشٸن 737 ملرد تەڭگەگە جاقسارۋى ارقاسىندا 3,6 دان 2,8-گە دەيٸن ازايدى. بۇل كٶرسەتكٸش 2,7 گە دەيٸن قىسقارادى دەپ بولجانىپ وتىر. بۇل كومپانييالار توبىنىڭ قارجىلىق تۇراقتىلىعىن ايعاقتايدى.
بيىلعى جىلدىڭ ماڭىزدى وقيعالارىنىڭ بٸرٸ – «سامۇرىق-قازىنا» قورىنىڭ ۇزاقمەرزٸمدٸ جەنە قىسقامەرزٸمدٸ رەيتينگتەرٸن حالىقارالىق Standard&Poors رەيتينگ اگەنتتٸگٸمەن جوعارىلاتۋى بولدى. شەتەل جەنە ۇلتتىق ۆاليۋتاداعى مٸندەتتەمەلەر بويىنشا «ۆۆۆ-» دەڭگەيٸنە دەيٸن جوعارىلاپ, بولجام – «تۇراقتى» بەلگٸلەندٸ.
«بٷگٸن Moody’s رەيتينگ اگەنتتٸگٸ قوردىڭ بۇقاراعا ارنالعان رەيتينگٸن جارييالاۋى تيٸس – ەلٸمٸزدٸڭ ەگەمەن رەيتينگٸسٸنٸڭ ۇلعايۋىمەن قاتار قوردىڭ رەيتينگٸ دە ۆاا2 دەڭگەيٸنە دەيٸن كٶتەرٸلەدٸ, بولجام – «تۇراقتى» بولادى دەپ كٷتٸلۋدە», دەدٸ نەزيرا نۇرباەۆا
