«Samuryq-Qazyna» ulttyq ál-aýqat qory» AQ Basqarma tóraǵasy Ahmetjan Esimov Óskemen qalasyna jumys sapary barysynda «Úlbi metallýrgiialyq zaýytynyń» 70 jyldyǵyna arnalǵan sharaǵa qatysty, dep habarlaidy "Ult aqparat" kompaniianyń baspasóz qyzmetine silteme jasai otyryp.
Ahmetjan Esimov sóz aldynda zaýyt ujymyn mereitoilarymen quttyqtady. Aita keteiik, «Úlbi metallýrgiia zaýyty» «Samuryq-Qazyna» qorynyń iri qorjyndyq kompaniialarynyń biri – «Qazatomónerkásip» AQ-nyń enshiles kásiporny.
Ahmetjan Esimov quttyqtaý sózinde qordyń úlken portfeldik kompaniialary IPO-ǵa shyǵatynyn, sonymen qatar, «Samuryq-Qazynanyń» jekeshelendirý baǵdarlamasynyń bolashaǵy týraly aitty. Qazaqstan Respýblikasynyń Úkimeti qordyń 2016-2020 jyldarǵa arnalǵan jekeshelendirý týraly baǵdarlamasyn bekitken bolatyn.
«Qazatomónerkásip» álemniń qarjy naryqtaryna tabysty shyqty, bul – kompaniia halyqaralyq deńgeide tanymal ekendigin kórsetedi. Sonymen qatar, halyqaralyq qarjy naryǵy kompaniianyń tabysty damýyna, korporativtik ashyqtyq pen basqarýyna jaǵdai jasaidy.
«Qazatomónerkásip» bizdiń alǵashqy jariialaǵan kompaniiamyz. Osy tájiribeni eskere otyryp, «Samuryq-Qazyna» qory basqa da kompaniialardy halyqaralyq qarjy naryqtaryna shyǵarady, bul tek osy kompaniialardyń jaǵdaiyna ǵana emes, jalpy el ekonomikasyna oń áser etedi», - dedi Ahmetjan Esimov.
«Qazatomónerkásip» kompaniiasy 2018 jyldyń qarashasynda, Jekeshelendirýdiń keshendi jospary aiasynda halyqaralyq qor naryǵyna shyqqan bolatyn. IPO bastalǵannan beri «Qazatomónerkásip» aktsiialarynyń baǵasy aitarlyqtai ósip, kompaniianyń quny qazirgi ýaqytta 3 mlrd dollardan 3,5 mlrd dollarǵa jetti.
Aita ketken jón, «Qazatomónerkásip» álemdegi eń iri tabiǵi ýran óndirýshi. Bul kompaniia álemdik ýran óndirisiniń 23 paiyzyna ie jáne de shamamen 21 myń adamdy jumyspen qamtyp otyr.
Qor basshysy atap ótkendei, Úlbi metallýrgiia zaýytynda jańa tehnologiialar engizilmek, sáikesinshe, tyń ózgeristerdiń arqasynda Qazaqstannyń aldynan jańa naryqtarǵa jol ashady.
«Úlbi mettalýrgiia zaýyty qazir tórt myńǵa jýyq joǵary bilimdi maman jumys isteitin álemdik mańyzy bar úlken zamanaýi óndiris. Qoldanystaǵy tehnologiialardyń arqasynda ýran óndirisi jylyna 3600 tonnadan 6000 tonnaǵa deiin ulǵaitýǵa múmkindik bar. 2020 jyly zaýytta tabletkalyq óndiristi jańǵyrtý jónindegi joba aiaqtalady. Osynyń arqasynda, elimizde otyn tabletkalaryn óndirý kólemi jylyna 400 tonnaǵa deiin artady», - dedi sóz sońynda Ahmetjan Esimov.
