«سامۇرىق-قازىنا» ۇلتتىق ەل-اۋقات قورى» اق باسقارما تٶراعاسى احمەتجان ەسٸموۆ ٶسكەمەن قالاسىنا جۇمىس ساپارى بارىسىندا «ٷلبٸ مەتاللۋرگييالىق زاۋىتىنىڭ» 70 جىلدىعىنا ارنالعان شاراعا قاتىستى, دەپ حابارلايدى "ۇلت اقپارات" كومپانييانىڭ باسپاسٶز قىزمەتٸنە سٸلتەمە جاساي وتىرىپ.
احمەتجان ەسٸموۆ سٶز الدىندا زاۋىت ۇجىمىن مەرەيتويلارىمەن قۇتتىقتادى. ايتا كەتەيٸك, «ٷلبٸ مەتاللۋرگييا زاۋىتى» «سامۇرىق-قازىنا» قورىنىڭ ٸرٸ قورجىندىق كومپانييالارىنىڭ بٸرٸ – «قازاتومٶنەركەسٸپ» اق-نىڭ ەنشٸلەس كەسٸپورنى.
احمەتجان ەسٸموۆ قۇتتىقتاۋ سٶزٸندە قوردىڭ ٷلكەن پورتفەلدٸك كومپانييالارى IPO-عا شىعاتىنىن, سونىمەن قاتار, «سامۇرىق-قازىنانىڭ» جەكەشەلەندٸرۋ باعدارلاماسىنىڭ بولاشاعى تۋرالى ايتتى. قازاقستان رەسپۋبليكاسىنىڭ ٷكٸمەتٸ قوردىڭ 2016-2020 جىلدارعا ارنالعان جەكەشەلەندٸرۋ تۋرالى باعدارلاماسىن بەكٸتكەن بولاتىن.
«قازاتومٶنەركەسٸپ» ەلەمنٸڭ قارجى نارىقتارىنا تابىستى شىقتى, بۇل – كومپانييا حالىقارالىق دەڭگەيدە تانىمال ەكەندٸگٸن كٶرسەتەدٸ. سونىمەن قاتار, حالىقارالىق قارجى نارىعى كومپانييانىڭ تابىستى دامۋىنا, كورپوراتيۆتٸك اشىقتىق پەن باسقارۋىنا جاعداي جاسايدى.
«قازاتومٶنەركەسٸپ» بٸزدٸڭ العاشقى جارييالاعان كومپانييامىز. وسى تەجٸريبەنٸ ەسكەرە وتىرىپ, «سامۇرىق-قازىنا» قورى باسقا دا كومپانييالاردى حالىقارالىق قارجى نارىقتارىنا شىعارادى, بۇل تەك وسى كومپانييالاردىڭ جاعدايىنا عانا ەمەس, جالپى ەل ەكونوميكاسىنا وڭ ەسەر ەتەدٸ», - دەدٸ احمەتجان ەسٸموۆ.
«قازاتومٶنەركەسٸپ» كومپانيياسى 2018 جىلدىڭ قاراشاسىندا, جەكەشەلەندٸرۋدٸڭ كەشەندٸ جوسپارى اياسىندا حالىقارالىق قور نارىعىنا شىققان بولاتىن. IPO باستالعاننان بەرٸ «قازاتومٶنەركەسٸپ» اكتسييالارىنىڭ باعاسى ايتارلىقتاي ٶسٸپ, كومپانييانىڭ قۇنى قازٸرگٸ ۋاقىتتا 3 ملرد دوللاردان 3,5 ملرد دوللارعا جەتتٸ.
ايتا كەتكەن جٶن, «قازاتومٶنەركەسٸپ» ەلەمدەگٸ ەڭ ٸرٸ تابيعي ۋران ٶندٸرۋشٸ. بۇل كومپانييا ەلەمدٸك ۋران ٶندٸرٸسٸنٸڭ 23 پايىزىنا يە جەنە دە شامامەن 21 مىڭ ادامدى جۇمىسپەن قامتىپ وتىر.
قور باسشىسى اتاپ ٶتكەندەي, ٷلبٸ مەتاللۋرگييا زاۋىتىندا جاڭا تەحنولوگييالار ەنگٸزٸلمەك, سەيكەسٸنشە, تىڭ ٶزگەرٸستەردٸڭ ارقاسىندا قازاقستاننىڭ الدىنان جاڭا نارىقتارعا جول اشادى.
«ٷلبٸ مەتتالۋرگييا زاۋىتى قازٸر تٶرت مىڭعا جۋىق جوعارى بٸلٸمدٸ مامان جۇمىس ٸستەيتٸن ەلەمدٸك ماڭىزى بار ٷلكەن زاماناۋي ٶندٸرٸس. قولدانىستاعى تەحنولوگييالاردىڭ ارقاسىندا ۋران ٶندٸرٸسٸ جىلىنا 3600 توننادان 6000 تونناعا دەيٸن ۇلعايتۋعا مٷمكٸندٸك بار. 2020 جىلى زاۋىتتا تابلەتكالىق ٶندٸرٸستٸ جاڭعىرتۋ جٶنٸندەگٸ جوبا اياقتالادى. وسىنىڭ ارقاسىندا, ەلٸمٸزدە وتىن تابلەتكالارىن ٶندٸرۋ كٶلەمٸ جىلىنا 400 تونناعا دەيٸن ارتادى», - دەدٸ سٶز سوڭىندا احمەتجان ەسٸموۆ.
