"Samuryq-Qazyna" ulttyq ál-aýqat qory "QazMunaiGaz" ulttyq kompaniiasy 2022 jyly IPO-ǵa shyǵatynyn málimdedi, - dep habarlaidy Tengrinews.kz.
"QazMunaiGaz" UK AQ aktsiialary biyl AIX jáne KASE alańdarynda ornalastyrylady. "Samuryq-Qazyna" men QMG bul úshin jetekshi qazaqstandyq investitsiialyq bankterdi tartty", - delingen habarlamada.
"Samuryq-Qazyna" barlyq qazaqstandyq úshin IPO-ny qoljetimdi etip, bólshek jáne institýtsionaldyq investorlardy barynsha kóp qamtýdy josparlap otyrǵanyn málimdedi.
Buǵan deiin Prezident Qasym-Jomart Toqaev ulttyq kompaniialardy IPO-ǵa shyǵarý jumystaryn mańyzdy mindet retinde ataǵan bolatyn. Ol "Samuryq-Qazyna" aktsionerlik qoǵamy men onyń ulttyq kompaniialarynyń rólin mysalǵa keltirdi.
"Elimizdiń qarapaiym azamattary Ulttyq kompaniialardyń aktsiialaryn ielenýge jáne salymdarynan óz dividentterin alýǵa múmkindigi bolýǵa tiis. Dál osyndai jolmen halyqtyń investitsiialyq mádenieti qalyptasady. IPO-ǵa qatysý Qazaqstannyń barlyq turǵyny úshin qoljetimdi bolýy qajet. Ol úshin qaǵazbastylyq pen biýrokratiiany boldyrmaityn jańa tsifrlyq sheshimder kerek", - dedi Memleket basshysy.
