«Samuryq-Qazyna» bir kózden satyp alýdyń jańa tártibin ázirledi. Bul týraly Úkimet otyrysynda «Samuryq-Qazyna» UÁQ» AQ basqarma tóraǵasy Alasadam Sátqaliev aitty, dep habarlaidy QazAqparat.
«Prezident qorǵa tikelei eki tapsyrma berdi. Birinshisi - qordyń iri investitsiialyq jobalaryn iske asyrý boiynsha ashyq halyqaralyq tenderlerdi qamtamasyz etý. Osy tapsyrmany oryndaý úshin qor kelesi is-sharalardy júzege asyrady. Satyp alýdyń jańa tártibin qor basqarmasy aldyn ala maquldap, Qarjy ministrligine, Básekelestikti qorǵaý agenttigine jáne «Atameken» UKP-ge jiberdi. Jańa tártipte bir kózden satyp alý tásili men negizi qysqartyldy jáne kompaniiaaralyq satyp alýlar alynyp tastaldy», - dedi ol.
Qor basshysynyń atap ótýinshe, jańa tártipti direktorlar keńesi 15 aqpanda bekitpek.
«Tenderlerdiń ashyqtyǵyn qamtamasyz etý úshin qordyń investitsiialyq qyzmetiniń korporativtik standartyna ózgertýler engizý josparlanǵan. Jobalar ashyq halyqaralyq tenderler negizinde ǵana júzege asyrylady. Jobalardy iske asyrý kezeńderi týraly aqparat jariialanady. Sonymen qatar qor direktorlar keńesi jáne qoǵamdyq keńes aldynda iri jobalardy júzege asyrý týraly qosymsha esep beredi», - dedi Almasadam Sátqaliev.
