«Samuryq-Qazyna» AQ esepteri 2016 jyldyń qorytyndysy boiynsha RAEX «Ekspert RA Qazaqstan» jyldyq esepter reitinginde úzdik úshtiktiń qatarynan kórinip, «Qarjylyq emes sektordaǵy úzdik jyldyq esep» nominatsiiasy boiynsha birinshi oryn ielendi. Kompaniia qyzmetiniń barlyq negizgi aspektileri ortalyq taqyryptyń prizmasy arqyly anyqtalady — mazmuny men vizýaldyq bezendirilýinde PRIME korporativtik qundylyqtar júiesi usynylady.
Osy jyldyń mańyzdy jańalyǵy turaqty damý salasyndaǵy qyzmeti týraly jeke esebin Qordyń jyldyq esepter jiyntyǵyna qosýy boldy. Qujatta kompaniianyń qabyldaǵan tujyrymdamalary sheńberinde júzege asyrylatyn segiz negizgi bastamalar kórsetilgen. Eseptiń dizainy men analitikalyq bólimi arqyly Qor korporativtik mádeniet máseleleri uiymnyń turaqty damýynyń negizi, ári qyzmettiń ekonomikalyq, ekologiialyq jáne áleýmettik aspektilerin basqarýdaǵy mańyzdy býyny bolatyndyǵy jaily aqparat taratady.
Negizgi jetistikter
Biznes-modeldi ashyp kórsetý. Qor óziniń jyldyq esebine uiymnyń negizgi qundylyqtaryn, jumystyń baǵyttaryn jáne týyndaityn qosymsha qundy sipattaityn biznes-model týraly aqparat qosty. Bul úlgi – eseptegi keiingi aqparattardy jaqsyraq túsinýdiń mańyzdy joly.
Syrtqy ortaǵa sholý. Jyldyq esepte ekonomikaǵa barynsha sapaly taldaý jasalǵan, jaǵymdy sátterdiń biri – eseptik jyldaǵy ekonomikalyq ósý kózderin jáne 2017-2021 jyldarǵa arnalǵan perspektivalardy aiyryqsha kórsetýi. Qysqa merzimdik turǵyda ekonomikaǵa áser etýi múmkin faktorlar keltirilgendigi de erekshe mańyzǵa ie.
Damý strategiiasy jáne PÁK. Qor óziniń damý strategiiasyn tyńǵylyqty túrde usynady, sonyń ishinde 2017-2021 jyldarǵa arnalǵan strategiialyq maqsattar men biznes - tapsyrmalar boiynsha qyzmetiń negizgi kórsetkishterin ashyp kórsetýimen esep erekshelenedi. Óndiristik kompaniialardy basqarýshy Qor qyzmetiniń mańyzdy quramdas bóligi retinde iri investitsiialyq jobalardy iske asyrýǵa basa nazar aýdaryldy.
Biznes jáne qarjylyq sholý. Jyldyq esep qyzmettiń operatsiialyq jáne qarjylyq nátijelerin sapaly túrde ashyp kórsetýdi qamtidy. Qor infografika arqyly tsifrlar men derekterdi usyný jáne menedjerlerdiń saraptamalyq túsiniktemelerin keltirý arqyly jumysynyń negizgi baǵyttary boiynsha esep beredi. Negizgi steikholderler men maqsatty aýditoriialarǵa basymdylyqtar qoiýǵa jáne negizgi habarlamalardy jetkizýge múmkindik bere otyryp, búkil qujat boiynsha basty ustanymdar aiqyndalǵan.
Qarjylyq taldaý. Eseptiń bul mańyzdy bóliginde kompaniia qyzmetiniń tiimdiligi men qarjylyq turaqtylyǵynyń negizgi kórsetkishteri keltirilgen, kirister men kapital qurylymy tárizdi parametrler jan-jaqty sipattalǵan. Qarjylyq eseptiń tolyq jiyntyǵy jeke kitap retinde qosa beriledi.
Turaqtylyq týraly esep Jahandyq eseptilik bastamasynyń (GRI) G4 nusqaýlyqtaryna sáikes usynylǵan. Qujat kompaniianyń turaqty damý aýmaǵynyń saiasatyn jáne osy saladaǵy negizgi bastamalaryn kórsetedi. Múddeli taraptarmen ózara áreket úderisi tolyqtai ashyldy jáne qyzmetkerlerdi damytý men etika máseleleri jariialandy. Damýdyń áleýmettik jáne ekologiialyq faktorlarymen qatar, syrtqy ortamen ózara árekettesýdiń ekonomikalyq aspektilerine nazar aýdaryldy. Atap aitqanda, satyp alý jáne jetkizýshilermen jumys isteý, sondai-aq osy salada júzege asyrylatyn jańashylyqtar sipattaldy.
Qordyń jyldyq esebiniń barlyq negizgi bólimderi halyqaralyq aqparattyq ashyqtyq tájiribesine sáikes jasaldy, ári qabyldanǵan ashyqtyq pen jariialylyq standarttaryn ustanýǵa uiymnyń umtylysyn kórsetedi. Negizgi qarjylyq jáne qarjylyq emes PÁK týraly usynylǵan barlyq aqparattar grafikalyq túrde qurylymdalyp, sońǵy úsh jyldaǵy dinamikada kórsetilgendikten, oqyrmandar men sarapshylarǵa jalpy jáne belgili baǵyttar men baǵdarlamalar boiynsha kompaniia qyzmetin kórýge múmkindik beredi.
