Búgin «Samuryq-Qazyna» ultttyq ál-aýqat qory» AQ-nyń Quqyqtyq súiemeldeý jáne táýkekelder jónindegi basqarýshy direktory Andrei Kravchenko onlain-brifing ótkizip, Qor 2020 jylǵy qaýipti táýekelderdi qalai eńsergenin, pandemiianyń saldary kelesi jyly qandai táýekelder týdyratynyn túsindirdi. Sondai-aq, Kravchenko «Samuryq-Qazyna» qory 2021 jylǵa arnalǵan táýekelder kartasy ázirlengenin málim etti, dep habarlaidy "Ult aqparat".
Jalpy, A.Kravchenko 2020 jyldy qorytyndylai kele, biyl Samuryq-Qazynanyń táýekelderdi basqarý júiesi aqaýsyz jumys istep, tiimdiligin kórsetkenin aitty. Koronavirýs pandemiiasyna bailanysty álemniń iri qorlary siiaqty, Samuryq-Qazynanyń aldynda da úlken táýekelder turǵan. Degenmen, buǵan deiingi strategiialyq maqsattardyń arqasynda Qor táýekelderdi saldarsyz eńserip, Qordyń qorjyndyq kompaniialaryndaǵy tabysty arttyrǵan. Pandemiia Qazaqstandy ǵana emes, búkil álemdi jańa táýekelderdi eskerýge úiretken soń, Samuryq-Qazyna kelesi jyldyń jartysynda áli de bolsa koronavirýs pandemiiasymen kúreske nazar bólinetindigi atap ótildi.
«Qordyń táýekelderdi basqarý júiesi 2020 jyly kidirissiz jumys istedi jáne tiimdiligin kórsetti. Sonyń arqasynda Qor 2020 jyldyń syn-qaterlerine tótep bere aldy, sonyń ishinde COVID-19 taralýy kezinde biznestiń turaqtylyǵyn saqtady. Kedergilerge qaramastan, biyl qordyń taza paida josparly tabystan 1,5 ese artyq bolady jáne Qor 2020 jyldyń qorytyndysy boiynsha 400 mlrd teńgeden astam taza tabys kútedi», - deidi ol.
Óziniń baiandamasynda da, jýrnalisterdiń suraǵyna jaýap bergende de Andrei Kravchenko Qordyń kelesi jyldarǵa arnalǵan damý josparlary álemdegi jaǵdaiy eskere otyryp jasalatynyn aitty.
«Biz bolashaqqa senimmen qaraimyz, biraq, biz úshin kelesi jylǵy naqty táýekel syrtqy faktorlar bolyp qala beredi. Óitkeni, álemdegi iri investorlardyń úshten biri astamy geosaiasi táýekelderdi jalpy qarjylyq turaqtylyq úshin eń úlken táýekel dep sanaidy Osyǵan bailanysty Qor kelesi jylǵa arnalǵan táýekelder kartasyn jasady», - dep habarlady Andrei Kravchenko.
Osy jáne ózge de táýekelder, atap aitsaq, koronavirýs pandemiiasynyń jalǵasy, munai baǵasy, naryqtaǵy qubylmaly baǵa, tasymaldaýdaǵy kedergiler jáne ózge de táýekeder Qordyń 2021-2025 jyldarǵa arnalǵan damý josparyn jasaý kezinde eskerildi.
Ekonomikanyń mańyzdy baǵyty – otandyq taýar óndirýshilerdi qoldaý úshin de Qor kóp jumys atqarǵan. Kravchenko atap ótkendei, biznestegi qiyndyq Qazaqstanda ǵana emes, álemniń kóptegen damýshy elderinde tirkelgen faktor.
«Meniń oiymsha, otandyq taýar óndirýshilerdi qoldaý jónindegi sharalar, eń aldymen, qazaqstandyq biznestiń turaqtylyǵyn qamtamasyz etýge, bizdiń qorjyndyq kompaniialadyń turaqtylyǵyn saqtaýǵa arnalǵan», - dedi ol.
Sóz sońynda Andrei Kravchenko habarlaǵandai, kelesi jylǵy táýekelderge qaramastan, Qor otandyq biznesti qoldaýǵa baǵyttalǵan sharalaryn toqtatpaidy.
