Elimizde óndirilmeitin taýarlardy shyǵarǵysy keletin kásipkerlerge uzaq merzimdi kelisim shart usynamyz. Bul týraly «Samuryq-Qazyna» ulttyq ál-aýqat qory» AQ operatsiialyq qyzmet jónindegi basqarýshy direktory Álisher Pirmetov málimdedi.
Aldymen ol ótken jyly «Samuryq-Qazyna» ulttyq ál-aýqat qorynyń taýarlardy satyp alý júiesine shaǵyn jáne orta biznes ókilderi de qatysa alatynyn atap ótti.
«Bizdiń kompaniiadardyń satyp alý júiesine orta jáne shaǵyn biznes ókilderi qatysýǵa múmkindik berildi. Bul qandai múmkindik berdi? Birinshiden, Elbasy Nursultan Nazarbaevtyń tapsyrmasyna sáikes, bul Qazaqstandaǵy shaǵyn jáne orta biznestiń damýyna oń áser beredi. Atalǵan satyp alýlardyń qorytyndysy boiynsha tek qana bir jyldyń ishinde «Samuryq-Qazyna» ulttyq ál-aýqat qory 22 mlrd teńgeni únemdedi. Al barlyq satyp alýdyń qorytyndysy boiynsha 121 mlrd teńge únemdeldi», - dedi Álisher Pirmetov ótken jyldyń qorytyndysyna arnalǵan brifingte.
Osy oraida ol offtake kelisim sharttarynyń mańyzyna toqtaldy. Onyń aitýynsha, atalǵan kelisim shart elimizde buryn bolmaǵan jańa óndiris oryndaryn ashýǵa múmkin beredi.
«Ótken jyly alǵash ret offtake kelisim sharttaryn engizdik. Kelisim shart negizinde Qazaqstanda shyǵarylmaityn taýarlardy «otandyq taýar óndirýshiler shyǵaramyz, sol óndiristi elimizde ornalastyramyz» dese, biz olarmen uzaqmerzimdi kelisimshartqa otyramyz», - dedi direktor.
Sonymen qatar Álisher Pirmetov ótken jyly atalǵan kelisim shart negizinde eki joba júzege asqanyn habarlady.
«Aziia trafa» kompaniiasymen birge Qazaqstanda tuńǵysh ret joǵary qýatty transformatorlardyń óndirý jobasyn qolǵa aldyq. Ótken jyldyń jeltoqsan aiynda joba iske qosyldy. Kompaniia bizben 4 mlrd teńgege kelisim shartqa otyrdy. Ekinshi joba «Qazmunaigaz» kompaniiasyna tiesili. Ol qysymdy ólsheitin quraldardy shyǵarýǵa bailanysty. Osy eki jobany biz ótken jyly iske qostyq», - dedi ol.
Onyń pikirinshe, atalǵan jobalar júzege asyrýdy jalǵastyrý mańyzdy.
«Birinshiden, atalǵan taýarlar Qazaqstanda shyǵarylmaǵandyqtan otandyq kompaniialardyń qarjysy negizinen Resei jáne Qytaiǵa ketip jatty. Endi atalǵan qarjy elimizde qalatyn boldy. Ekinshiden, Qazaqstanda buryn bolmaǵan óndiris oryndary ashyldy. Úshinshiden, jańadan ashylǵan óndirister oryndarynyń esebinen memlekettik biýdjetke tóleitin salyq mólsheri ulǵaidy. Bul jumystar 2019 jyly da jalǵasady», dep túiindedi sózin Álisher Pirmetov.
