Samoada qyzylsha epidemiiasynan qaza bolǵandar sany 70 adamǵa jetti, dep habarlaidy RNZ.co.nz saity.
Agenttiktiń málimeti boiynsha, sońǵy 24 saǵatta indetten 2 adam qaitys bolǵan. Kóz jumǵan 70 adamnyń 61-i tórt jasqa deiingi balalar.
Jeksenbi kúni araldyq memlekettiń úkimeti Samoa turǵyndarynyń 90% ekpe alǵandyǵyn málimdedi. Úkimettiń málimdemesine qaramastan, sońǵy táýlikte qyzylshany juqtyrýdyń 112 oqiǵasy tirkeldi. Osylaisha, qazan aiynan bastap qyzylshamen aýyrǵandar sany 4700-ge jetti.
159 adam aýrýhanalarda jatyr, olardyń 16-sy aýyr háldegi balalar.
Agenttiktiń aqparatyna sáikes, memleket basshylyǵy qaterli epidemiiamen qalai da kúresý úshin beisenbi jáne juma kúnderi elden shyǵýǵa jáne kirýge tyiym saldy. Eki kún ishinde meditsina qyzmetkerleri úilerge baryp ekpe jasady. Qyzylshaǵa qarsy vaktsinalardy Avstraliia, Jańa Zelandiia, Ulybritaniia, Frantsiia jáne taǵy da basqa elder usynǵan.
Aita keteiik, ekpe aǵzaǵa engennen keiin qyzylshaǵa qarsy immýnitet eki aptadan soń ǵana qalyptasady.
