Foto:madeniportal.kz
Áleýmettik jelide ardager fýtbolshy Samat Smaqovtyń qyzy Samira Smaqova men "Qairat" klýbynyń qaqpashysy Sherhan Qalmurza kóńil jarastyryp júrgeni týraly aqpar tarady. Bul týraly Ult.kz habarlaidy.
"Qairat" pen "Real Madrid" arasyndaǵy matchtan keiin Samira Sherhanǵa:
"Sen men úshin árqashan, barlyq jaǵynan úzdiksiń. Nátije qandai bolsa da men úshin nómiri birinshisiń! Maqtanamyn! Saǵan jankúierlik etkenim sonshalyq, ne istep, ne qoiǵanymdy túsinbedim", – degen jazba arnady.
Bul jas arýdyń alǵashqy da sońǵy jazbasy emes kórinedi. Sherhan Qalmurza debiýt jasap, «Sportingke» qarsy oinaǵannan keiin Samira oǵan qoldaý bildirgen jazba jariialaǵan.
“Debiýtiń qutty bolsyn, meniń qaharmanym! Eń úzdik bastama boldy. Men senimen sheksiz maqtanamyn. Bul tek basy ǵana”, - dep jazǵan Samira Smaqova.
Samira óziniń armany — “Ortalyq stadionda súiiktimniń oiynyn kórý” degen jazýyn 2024 jyly kúndelikke jazypty, al 2025 jyly ony júzege asyrǵanyn kórsetken video jariialaǵan.
Samira Smaqova men Sherhan Qalmurza kimder?
Samira Smaqovanyń gimnastikamen ainalysatyny týraly aqparattar bar: 2016 jyly bir suhbatynda Smaqov “Qyzym Samira gimnastikamen ainalysady” dep aitqan.
2019 jyly ol “tórt qurlyq chempionaty” jarysynda Qazaqstan quramasy quramynda óner kórsetip, jeńimpaz atanǵan.
Al “Qairat” klýbynyń oiynshysy Sherhan Qalmurza 2007 jyly týǵan. 2025 jyldyń 18 qyrkúieginde Lissabondaǵy “Sporting” klýbyna qarsy ÝEFA Chempiondar ligasynyń matchynda debiýt jasady, sonda penaltidi qaitaryp, nazar aýdartqan. Sonymen qatar Sh.Qalmurza jaqynda "Qairat" pen "Real Madrid" komandalary arasyndaǵy oinda kózge túsip, dereý tanymaldyqqa ie boldy.
wikipedia málimetteri boiynsha Sherhan “Qairat-Jastar” quramynda oinap, keiin negizgi quramǵa ótken.
