«Biryńǵai jinaqtaýshy zeinetaqy qory» AQ basqarma tóraǵasy Janat Qurmanov infliatsiiadan zeinetaqy aktivteriniń qanshalyqty qorǵalǵanyn aitty, dep habarlaidy QazAqparat.
«Barlyq quraldar boiynsha bizde tabystylyq deńgeii joǵary. 2020 jyly infliatsiia kúrt kóteriletin bolsa da, zeinetaqy aktivteri saqtalady», - dedi Janat Qurmanov.
Onyń aitýynsha, Ulttyq bank 2020 jyldyń birinshi toqsanynda salymshylardyń aqshasyn QR Qarjy ministrliginiń memlekettik qundy qaǵazdaryna infestitsiialaǵan bolatyn. Bul qundy qaǵazdardyń tabystylyǵy 11 paiyz, notalar boiynsha ortasha tabys 10,92 paiyz boldy.
«Zeinetaqy aktivteriniń shetel valiýtasyna salynǵan investitsiiasy tiimdi bolǵandyqtan 2020 jyly salymshylardyń zeinetaqysy infliatsiiadan qorǵalady», - dedi ol.
Onyń aitýynsha, salymshylarǵa óz jinaqtarynyń infliatsiiadan qorǵalýyna qatysty alańdaýǵa negiz joq.
Óitkeni, Zańǵa sáikes memleket azamattarǵa olardyń zeinetaqy jinaqtarynyń infliatsiiadan qorǵalýyna kepildik beredi.
«Bir sózben aitqanda, salymshy zeinetke shyqqan kezde, zeinetaqy jinaqtary azaiyp qalsa, memleket ony ótep beredi. Biraq bul shara jinaqtalǵan infliatsiia alynǵan tabystan asyp ketken jaǵdaida ǵana júzege asyrylady», - dedi ol.
