Salyq tóleýden bosatylǵan shaǵyn biznes únemdelgen qarajatyn kirister men shyǵystaryn esepteýdi tsifrlandyrýǵa jumsaýy qajet. Bul týraly IV Biznesti qorǵaý jónindegi forýmda «Atameken» UKP Tóralqasynyń tóraǵasy Timýr Qulybaev aitty, dep habarlaidy "Ult aqparat".
«Ulttyq kásipkerler palatasy Memleket basshysynyń mikro jáne shaǵyn biznesti úsh jylǵa tabys salyǵyn tóleýden bosatý jónindegi tapsyrmasyna qoldaý bildiredi. Bul oilastyrylǵan ári tekserilgen sheshim», - dedi ol.
Onyń atap ótýinshe, buǵan qosa biznes shamamen 244 mlrd teńge salyq túrindegi kiris alady. Sondyqtan olar ózderine qarsy mindetteme alyp, jumystaryn órkenietti formatqa kóshirýleri tiis.
«Biznes únemdelgen aqshalaryn onlain baqylaý-kassalyq mashinasyn, Pos terminaldar ornatýǵa, kirister men shyǵystardy esepteýdi tsifrlandyrýǵa jumsaýy tiis. Nátijesinde biznes sýbektileri 3 jyldyń ishinde kirister men shyǵystardy tolyqqandy esepteýge kóshýi qajet», - dedi Timýr Qulybaev.
