سالىق تٶلەۋدەن بوساتىلعان شاعىن بيزنەس ٷنەمدەلگەن قاراجاتىن كٸرٸستەر مەن شىعىستارىن ەسەپتەۋدٸ تسيفرلاندىرۋعا جۇمساۋى قاجەت. بۇل تۋرالى IV بيزنەستٸ قورعاۋ جٶنٸندەگٸ فورۋمدا «اتامەكەن» ۇكپ تٶرالقاسىنىڭ تٶراعاسى تيمۋر قۇلىباەۆ ايتتى, دەپ حابارلايدى "ۇلت اقپارات".
«ۇلتتىق كەسٸپكەرلەر پالاتاسى مەملەكەت باسشىسىنىڭ ميكرو جەنە شاعىن بيزنەستٸ ٷش جىلعا تابىس سالىعىن تٶلەۋدەن بوساتۋ جٶنٸندەگٸ تاپسىرماسىنا قولداۋ بٸلدٸرەدٸ. بۇل ويلاستىرىلعان ەرٸ تەكسەرٸلگەن شەشٸم», - دەدٸ ول.
ونىڭ اتاپ ٶتۋٸنشە, بۇعان قوسا بيزنەس شامامەن 244 ملرد تەڭگە سالىق تٷرٸندەگٸ كٸرٸس الادى. سوندىقتان ولار ٶزدەرٸنە قارسى مٸندەتتەمە الىپ, جۇمىستارىن ٶركەنيەتتٸ فورماتقا كٶشٸرۋلەرٸ تيٸس.
«بيزنەس ٷنەمدەلگەن اقشالارىن ونلاين باقىلاۋ-كاسسالىق ماشيناسىن, Pos تەرمينالدار ورناتۋعا, كٸرٸستەر مەن شىعىستاردى ەسەپتەۋدٸ تسيفرلاندىرۋعا جۇمساۋى تيٸس. نەتيجەسٸندە بيزنەس سۋبەكتٸلەرٸ 3 جىلدىڭ ٸشٸندە كٸرٸستەر مەن شىعىستاردى تولىققاندى ەسەپتەۋگە كٶشۋٸ قاجەت», - دەدٸ تيمۋر قۇلىباەۆ.
