Arnaýly salyq rejimderin qoldanatyn, sondai-aq mikro jəne shaǵyn kəsipkerlik sýbektisi bolyp tabylatyn tulǵalar biylǵy 1 qańtardan bastap, 2022 jyldyń 31 jeltoqsanyna deiin tabys salyǵynan bosatý erejelerin qoldanýǵa quqyly. Bul týraly búgin Ortalyq kommýnikatsiialar qyzmetinde QR Qarjy ministrligi Memlekettik kirister komiteti tóraǵasynyń mindetin atqarýshy Jánibek Nurjanov málim etti, dep habarlaidy "Ult aqparat".
«Arnaýly salyq rejimderin (patent negizinde, ońailatylǵan deklaratsiia negizinde, tirkelgen shegerimdi paidalanýmen, aýyl sharýashylyǵy ónimin óndirýshiler men aýyl sharýashylyǵy kooperativteri úshin, sondai-aq, sharýa nemese fermerlik qojalyqtar úshin arnaýly salyq rejimin) qoldanatyn jəne mikro jəne shaǵyn kəsipkerlik sýbektisi bolyp tanylatyn tulǵalar «Salyq jəne biýdjetke tólenetin basqa da mindetti tólemder týraly» QR Kodeksin qoldanysqa engizý týraly» QR Zańynyń 57-4-babynyń erejelerine səikes, 2020 jyldyń 1 qańtarynan 2022 jyldyń 31 jeltoqsany aralyǵynda alynǵan tabystarǵa salynatyn salyqtan bosatý boiynsha erejelerdi qoldanýǵa quqyly«, - deidi Jánibek Nurjanov.
Onyń aitýynsha, biylǵy 1 qańtardan 2023 jylǵy 1 qańtarǵa deiingi kezeńde arnaýly salyq rejimderin qoldanatyn jəne mikrokəsipkerlik nemese shaǵyn kəsipkerlik sýbektileri bolyp tanylatyn tulǵalar, onyń ishinde biryńǵai jer salyǵyn tóleýshiler, tólenýge jatatyn:
1) osy Kodekstiń 686, 687, 695, 700-baptaryna səikes eseptelgen korporativtik (jeke) tabys salyǵynyń somasyn (tólem kózinen ustalatynnan basqa);
2) osy Kodekstiń 687-babyna səikes eseptelgen əleýmettik salyq somasyn;
3) osy Kodekstiń 704-babyna səikes eseptelgen biryńǵai jer salyǵynyń somasyn 100 paiyzǵa azaitady.
Sondai-aq, ol salyqtan bosatý boiynsha erejeler kimderge qoldanylmaitynyn aitty.
«Salyqtan bosatý boiynsha erejeler tómende atalǵandarǵa qoldanylmaidy. Olar: esirtki, psihotroptyq zattar men prekýrsorlar ainalymymen bailanysty qyzmet; aktsizdeletin ónimdi óndirýdi jəne (nemese) kóterme saýdada ótkizý; astyq qabyldaý pýnktterinde astyq saqtaý jónindegi qyzmet; lotereia ótkizý; oiyn biznesi salasyndaǵy qyzmet; radioaktivti materialdar ainalymymen bailanysty qyzmet; bank qyzmetin (ne bank operatsiialarynyń jekelegen túrlerin) jəne saqtandyrý naryǵyndaǵy qyzmet (saqtandyrý agentiniń qyzmetinen basqa); aýditorlyq qyzmet; baǵaly qaǵazdar naryǵyndaǵy kəsiptik qyzmet; kredittik biýrolardyń qyzmeti; kúzet qyzmeti; azamattyq jəne qyzmettik qarý men onyń patrondary ainalymymen bailanysty qyzmet; jer qoinaýyn paidalaný salasyndaǵy qyzmet, onyń ishinde ken izdeýshiler qyzmet; paidaly qazbalar ótkizýdi, treiderlerdiń qyzmetin, kómir, munai ótkizý jónindegi qyzmet; munai ónimderiniń jekelegen túrlerin, benzindi, dizel otynyn jəne mazýtty bólshek saýdada ótkizý; syrtqy ekonomikalyq qyzmetti júzege asyratyn salyq tóleýshiler», - deidi ol.
