© Sputnik / Sanat Imangaliev
Memlekettik kirister komiteti naqty qandai mobildi aýdarymdar baqylaýǵa alynǵanyn túsindirdi, dep habarlaidy Ult.kz Sputnik Qazaqstan-ǵa silteme jasap.
Jeke tulǵalardyń kirisin ákimshilendirý basqarmasynyń bas sarapshysy Ersaiyn Kóptileýulynyń aitýynsha, dál qazir mobildi aýdarymdardyń somasy eskerilmeidi, tek sany esepke alynady.
"Búginde ai saiyn 100 jáne odan kóp tulǵalardan úsh ai qatarynan mobildi aýdarym alynsa, baqylaýǵa alynady. Bul jerde 100 aýdarym 100 túrli adamnan túsýi kerek. Mysaly, qańtar aiynda 100 túrli adam, aqpan aiynda 100 túrli adam, naýryzda 100 túrli adamnan mobildi aýdarym tússe, sonda ǵana ol nazarǵa ilinedi",-dedi Kóptileýuly búgingi brifingte.
Al 255 myń teńgeniń shegi áli qabyldanǵan joq. Sondyqtan mobildi aýdarymdardyń somasy ázirshe nazarǵa alynbaidy.
Aita keteri, 2025 jyldan bastap bankterden jeke kásipkerler, zańdy tulǵalardyń basshylary men olardyń jubailaryna qatysty aqparat alynady. Bankter 2024 jyldyń qorytyndysy boiynsha esep usynady.
Buǵan deiin memlekettik qyzmetshiler, biýdjet jáne kvazimemlekettik sala qyzmetkerleriniń mobildi aýdarymdary baqylaýǵa alynǵan bolatyn. Al 2026 jyldan bastap barlyq jeke tulǵanyń aýdarymyna qatysty aqparat salyq organdaryna túsedi.
